ഇരിങ്ങാലക്കുട: കൂടല്‍മാണിക്യം ക്ഷേത്രോത്സവത്തില്‍ പങ്കെടുക്കുന്ന ആനകളുടെ ഫിറ്റ്‌നസ് പരിശോധന നടന്നു.
 ഞായറാഴ്ച ഉച്ചതിരിഞ്ഞ് ദേവസ്വം കൊട്ടിലാക്കല്‍ പറമ്പില്‍ 24 ആനകളെയാണ് ഉദ്യോഗസ്ഥ സംഘം പരിശോധന നടത്തിയത്.
ആനകളുടെ ആരോഗ്യം, മദഗ്രന്ഥികള്‍, പരിക്കുകള്‍ എന്നിവയാണ് പ്രധാനമായും പരിശോധിച്ചത്. വെറ്റിനറി ഡോക്ടര്‍മാരായ ഡോ. ജോയ് ജോര്‍ജ്ജ്, ഡോ. എം. പ്രദീപ് കുമാര്‍ എന്നിവരുടെ നേതൃത്വത്തിലുള്ള പത്തംഗ സംഘവും മയക്കുവെടി വിദഗ്ദ്ധരായ ഡോ. ഗിരിദാസ്, ഡോ. വിവേക്, ഫോറസ്റ്റ് റെയ്ഞ്ചര്‍ ഓഫീസര്‍ കെ.കെ ഷാജുമോന്‍ എന്നിവരുടെ നേതൃത്വത്തിലുള്ള സംഘവുമാണ് പരിശോധന നടത്തിയത്. പരിശോധനയില്‍ ഉദ്യോഗസ്ഥ സംഘം സംതൃപ്തി പ്രകടിപ്പിച്ചു.