മുക്കം: ഷഹീദെ ഹിന്ദ് പുരസ്‌കാരം ലഭിച്ച കാരശ്ശേരി സര്‍വിസ് സഹകരണ ബാങ്ക് ചെയര്‍മാന്‍ എന്‍.കെ അബ്ദുറഹ്മാനു പൗരാവലി സ്വീകരണം നല്‍കി.
മുക്കം വ്യാപാരഭവന്‍ ഓഡിറ്റോറിയത്തില്‍ നടന്ന സമ്മേളനം എം.ഐ ഷാനവാസ് എം.പി ഉദ്ഘാടനം ചെയ്തു. ഒ. അബ്ദുല്ല അധ്യക്ഷനായി. മുന്‍ എം.എല്‍.എ സി. മോയിന്‍കുട്ടി പൊന്നാടയണിയിച്ചു.
മുക്കം മുഹമ്മദ് മംഗളപത്രം സമര്‍പ്പിച്ചു. ജില്ലാ പഞ്ചായത്ത് അംഗം സി.കെ കാസിം, ബി.ജെ.പി ദേശീയ കൗണ്‍സില്‍ അംഗം ചേറ്റൂര്‍ ബാലകൃഷ്ണന്‍, ജനതാദള്‍ യു ജില്ലാ പ്രസിഡന്റ് വി. കുഞ്ഞാലി, ഡി.സി.സി ജന. സെക്രട്ടറി ബാബു പൈക്കാട്ടില്‍, സി.പി.ഐ നിയോജക മണ്ഡലം സെക്രട്ടറി കെ. മോഹനന്‍, വി. കുഞ്ഞാലി ഹാജി, കെ.സി നൗഷാദ്, കെ.എം കുഞ്ഞവറാന്‍, ജി. അബ്ദുല്‍ അക്ബര്‍, ബാങ്ക് ജനറല്‍ മാനേജര്‍ എം. ധനീഷ്, അബൂബക്കര്‍ നടുക്കണ്ടി, എ.പി മുരളീധരന്‍, കപ്പിയേടത്ത് ചന്ദ്രന്‍ സംസാരിച്ചു.