മലപ്പുറം: പ്ലസ്‌വണ്‍ പ്രവേശനത്തിന്റെ ഭാഗമായുള്ള ട്രയല്‍ അലോട്ട്്‌മെന്റ് നാളെ പ്രസിദ്ധീകരിക്കും.പത്തിന് തുടങ്ങിയ ഓണ്‍ലൈന്‍ അപേക്ഷാ നടപടികള്‍ കഴിഞ്ഞ 16നാണ് അവസാനിച്ചത്്. പത്താംക്ലാസ് വിജയിച്ച 4,99,030 വിദ്യാര്‍ഥികളാണ് ഇത്തവണ അപേക്ഷ നല്‍കിയത്്. ഇവര്‍ക്കായി സംസ്ഥാനത്താകെ സര്‍ക്കാര്‍, എയ്ഡഡ് മേഖലകളില്‍ 2,39,044 മെറിറ്റ് സീറ്റുകളാണ് ഉള്ളത്്. 24ന് പ്രസിദ്ധീകരിക്കുന്ന ഒന്നാം അലോട്ട്‌മെന്റിന്റെ സാധ്യതാ ലിസ്്റ്റാണ് നാളെ പ്രസിദ്ധീകരിക്കുക. ംംം.വരെമു.സലൃമഹമ.ഴീ്.ശി എന്ന വെബ്‌സൈറ്റില്‍ അപേക്ഷാ നമ്പറും ജനന തിയതിയും ജില്ലയും നല്‍കി ട്രയല്‍ ഫലം പരിശോധിക്കാം.
അതേസമയം ആദ്യ അലോട്ട്‌മെന്റ് മുതലാണ് സ്‌കൂളുകളില്‍ പ്ലസ്‌വണ്‍ പ്രവേശനം നടക്കുക. വിദ്യാര്‍ഥികള്‍ക്ക് ട്രയല്‍ അലോട്ട്‌മെന്റ് ഫലം പരിശോധിച്ച് അപേക്ഷാ വിവരങ്ങളില്‍ തെറ്റുകളുണ്ടെങ്കില്‍ തിരുത്തുന്നതിനുള്ള അവസരം ലഭിക്കും. ആവശ്യമെങ്കില്‍ നേരത്തെ നല്‍കിയ ഒപ്ഷനുകള്‍ പുനഃക്രമീകരിക്കുന്നതിനും പുതിയവ കൂട്ടിച്ചേര്‍ക്കുന്നതിനും വിദ്യാര്‍ഥികള്‍ക്ക് അവസരം ഉണ്ട്. തെറ്റായ വിവരങ്ങള്‍ നല്‍കി ലഭിക്കുന്ന അലോട്ട്‌മെന്റ് റദ്ദാക്കുമെന്ന് ഹയര്‍സെക്കന്‍ഡറി ഡിപ്പാര്‍ട്ട്‌മെന്റ് അറിയിച്ചിട്ടുണ്ട്.