കൊല്ലം: താലൂക്ക്തല സി.ഡി.എസ് വാര്‍ഷിക ആഘോഷം അരങ്ങ് 2017 ഇന്ന് ടി.എം വര്‍ഗീസ് മെമ്മോറിയല്‍ ഹാളില്‍ രാവിലെ എട്ട് മുതല്‍ നടക്കും. വൈകിട്ട് മൂന്നിന് നടക്കുന്ന വാര്‍ഷിക സമ്മേളനം എം മുകേഷ് എം.എല്‍.എ ഉദ്ഘാടനം ചെയ്യും. മേയര്‍ വി രാജേന്ദ്രബാബു അധ്യക്ഷനാകും.
എം നൗഷാദ് എം.എല്‍.എ സമ്മാനങ്ങള്‍ വിതരണം ചെയ്യും. കുടുംബശ്രീ ജില്ലാ മിഷന്‍ കോ ഓര്‍ഡിനേറ്റര്‍ മുഹമ്മദ് അന്‍സര്‍ മുഖ്യപ്രഭാഷണം നടത്തും.
ഡെപ്യൂട്ടി മേയര്‍ വജയ ഫ്രാന്‍സിസ്, ചിറ്റുമല ബ്ലോക്ക് പഞ്ചായത്ത് പ്രസിഡന്റ് സി സന്തോഷ്, മുഖത്തല ബ്ലോക്ക് പഞ്ചായത്ത് പ്രസിഡന്റ് ആര്‍ രാജീവ്, ഇത്തിക്കര ബ്ലോക്ക് പഞ്ചായത്ത് പ്രസിഡന്റ് മായാസുരേഷ്, പരവൂര്‍ മുനിസിപ്പല്‍ ചെയര്‍മാന്‍ കെ.വി കുറുപ്പ്, ഗ്രാമപഞ്ചായത്ത് പ്രസിഡന്റുമാര്‍ തുടങ്ങിയവര്‍ സംസാരിക്കും.