കോഴിക്കോട്: മാനവമൈത്രി സാംസ്‌കാരിക പഠനകേന്ദ്രത്തിന്റെ പ്രതിഭാപുരസ്‌കാരങ്ങള്‍ക്ക് ചലച്ചിത്ര ഗാന രചയിതാവും സംഗീതജ്ഞനുമായ കൈതപ്രം ദാമോദരന്‍ നമ്പൂതിരി, ജനസേന ശിശുഭവന്‍ ചെയര്‍മാന്‍ ജോസ് മാവേലി, ഗാന്ധിയനും പരിസ്ഥിതി സംരക്ഷണ പ്രവര്‍ത്തകനും സാഹിത്യകാരനുമായ ശ്രീമന്‍ നാരായണന്‍, ഇന്‍ഡോ അറബ് കോണ്‍ഫെഡറേഷന്‍ പ്രസിഡന്റ് എം.വി കുഞ്ഞാമു എന്നിവര്‍ അര്‍ഹരായി.
ചലച്ചിത്ര നിര്‍മാതാവും മാതൃഭൂമി ഡയറക്ടറുമായ പി.വി ഗംഗാധരന്‍, മലയാള മനോരമ അസിസ്റ്റന്റ് എഡിറ്റര്‍ കെ.എഫ് ജോര്‍ജ്, ഹ്യൂമന്‍ റൈറ്റ്‌സ് ഫൗണ്ടേഷന്‍സ് (ഡല്‍ഹി) നാഷനല്‍ വൈസ് ചെയര്‍മാന്‍ ഡോ. ഷാഹുല്‍ ഹമീദ് എന്നിവരടങ്ങിയ സമിതിയാണ് ജേതാക്കളെ തിരഞ്ഞെടുത്തത്.