കാസര്‍കോട്: സിനിമാ തിയറ്ററിനു സമീപം നിര്‍ത്തിയിട്ട കാര്‍ തകര്‍ത്ത നിലയില്‍. ചെട്ടുംകുഴിയിലെ നവാസിന്റെ സ്വിഫ്റ്റ് കാറാണ് തകര്‍ത്തത്. ശനിയാഴ്ച രാത്രിയാണ് സംഭവം.
സുഹൃത്ത് സുഭാഷ് കൃഷ്ണക്കൊപ്പം ചൂരിയിലെ കൃഷ്ണ ടാക്കീസില്‍ സിനിമ കാണാന്‍ എത്തിയതായിരുന്നു. തിരിച്ചു വരുമ്പോഴാണു കാര്‍ തകര്‍ത്ത നിലയില്‍ കാണപ്പെട്ടത്. രണ്ടു ഭാഗത്തേയും ഗ്ലാസുകളും ഇന്‍ഡിക്കേറ്ററും തകര്‍ത്ത നിലയിലാണ്.
കാറിന്റെ ബോഡിയിലും കേടുപാട് വരുത്തിയിട്ടുണ്ട്. 25,000 രൂപയുടെ നഷ്ടം സംഭവിച്ചതായി നവാസ് കാസര്‍കോട് പൊലിസിന് നല്‍കിയ പരാതിയില്‍ പറയുന്നു. സംഭവത്തെക്കുറിച്ചു പൊലിസ് അന്വേഷിച്ചു വരികയാണ്.