തിരുവനന്തപുരം: കേരള സാങ്കേതിക സര്‍വകലാശാലയുടെ വൈസ് ചാന്‍സലറെ തെരഞ്ഞെടുക്കുന്നതിനുള്ള പട്ടിക തയാറായി. കുസാറ്റിന്റെ ആദ്യ വനിതാ വൈസ് ചാലന്‍സലറായ ഡോ.ജെ. ലത, ബാര്‍ട്ടണ്‍ഹില്‍ ഗവ. എന്‍ജിനീയറിങ് കോളജ് പ്രിന്‍സിപ്പല്‍ എം.എസ് രാജശ്രീ, തിരുവനന്തപുരം എന്‍ജിനീയറിങ് കോളജിലെ ഡീന്‍ കെ. കൃഷ്ണകുമാര്‍, കൊച്ചിന്‍ യൂനിവേഴ്‌സിറ്റി ഓഫ് എന്‍ജിനീയറിങ്ങിന്റെ പ്രിന്‍സിപ്പല്‍ പി.എസ് ശ്രീജിത്ത് എന്നിവരുടെ പേരുകളാണ് ചുരുക്കപ്പട്ടികയിലുള്ളത്.
ഇവരെ സെപ്റ്റംബര്‍ 11ന് കൂടിക്കാഴ്ചക്ക് ഹാജരാകാന്‍ ക്ഷണിച്ചിട്ടുണ്ട്. സംസ്ഥാനത്ത് ഒരു സര്‍വകലാശാലക്ക് വൈസ് ചാന്‍സിലറെ തെരഞ്ഞെടുക്കാന്‍ ഇതാദ്യമായാണ് ഒരു സമിതി രൂപീകരിച്ച് അര്‍ഹരായവരെ കണ്ടെത്തി കൂടിക്കാഴ്ച നടത്തുന്നത്.