ചങ്ങനാശേരി: നേര്‍ച്ചപാറയില്‍ പുതുതായി പണികഴിപ്പിച്ചിട്ടുള്ള മുഹിയദ്ദീന്‍ പള്ളിയുടെ ഉദ്ഘാടനം ഇന്ന് ഉച്ചകഴിഞ്ഞ് അഞ്ചുമണിക്ക് കേരള വഖഫ് ബോര്‍ഡ് ചെയര്‍മാന്‍ സെയ്ദ് റഷീദ് അലി ശിഹാബ് തങ്ങള്‍ നിര്‍വഹിക്കും. പുതൂര്‍പ്പള്ളി പ്രസിഡന്റ് ഹാജി വി.എസ്.എം ബഷീര്‍ അധ്യക്ഷനാകും.  
കൊടിക്കുന്നില്‍ സുരേഷ് എം.പി മുഖ്യപ്രഭാഷണം നടത്തും. അല്‍ഹാഫിള് ഇ.പി അബുബക്കര്‍ അല്‍ഖാസിമി അനുഗ്രഹ പ്രഭാഷണം നടത്തും.
സി.എഫ്.തോമസ് എം.എല്‍.എ, സെബാസ്റ്റ്യന്‍ മാത്യു മണമേല്‍,എസ്.എം.ഫുവാദ്, അഡ്വ.പി.എ.നസീര്‍, മാര്‍ട്ടിന്‍, പി.എ.അബ്ദുല്‍ ഖാദര്‍, പി.ബി ജാനി, ഹൈദര്‍ അലിബാവ, ഹിദായത്തുള്ളാഖാന്‍ സംസാരിക്കും. ചങ്ങനാശേരി പുതൂര്‍പ്പള്ളിയുടെ കീഴിലാണ് പള്ളി  നിര്‍മിച്ചിട്ടുള്ളത്.