ആലപ്പുഴ: ശുചിത്വ മാലിന്യ സംസ്‌കരണ രംഗത്ത് തദ്ദേശ സ്വയംഭരണ സ്ഥാപനങ്ങളുമായി ചേര്‍ന്ന് പ്രവര്‍ത്തിക്കാന്‍ ശുചിത്വമിഷന്‍ അവസരം ഒരുക്കുന്നു. ഉറവിട മാലിന്യ സംസ്‌കരണ ഉപാധികളുടെ പരിപാലനം, പുതിയ ഉപാധികള്‍ സ്ഥാപിക്കല്‍, അറ്റകുറ്റപ്പണികള്‍, അജൈവ വസ്തുക്കളുടെ ശേഖരണം, സോര്‍ട്ടിങ്, പുനര്‍ ചംക്രമണത്തിന് കൈമാറല്‍ തുടങ്ങിയ പ്രവര്‍ത്തനങ്ങള്‍ക്ക് തദ്ദേശ സ്വയംഭരണ സ്ഥാപനങ്ങളില്‍ സംരഭക അടിസ്ഥാനത്തില്‍ പ്രവര്‍ത്തിക്കുന്നതിന് ഗ്രീന്‍ ടെക്‌നീഷ്യന്‍മാരെ കണ്ടെത്തി പരിശീലനം നല്‍കി നിയോഗിക്കുന്നു. അപേക്ഷകര്‍ ജില്ലയില്‍ സ്ഥിര താമസക്കാരായിരിക്കണം. പത്താംക്ലാസ് യോഗ്യതയാണ്. താല്‍പ്പര്യമുള്ളവര്‍ 17ന് മുമ്പായി വെള്ളപ്പേപ്പറില്‍ തയ്യാറാക്കിയ അപേക്ഷയും വിശദമായ ബയോ ഡാറ്റയും യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പും സഹിതം ജില്ലാ കോര്‍ഡിനേറ്റര്‍, ശുചിത്വമിഷന്‍, ഒന്നാംനില, കലക്ടറേറ്റ് ആലപ്പുഴ 688001 എന്ന വിലാസത്തില്‍ തപാല്‍ മാര്‍ഗം അയയ്ക്കണം. ഫോണ്‍:2253020. വെബ്‌സൈറ്റ്:www.sanitation.kerala.gov.in.