ആലപ്പുഴ: എസ്.കെ.എസ്.എസ്.എഫ്  മേഖലാസില്‍വര്‍ ജൂബിലിയുടെ ഭാഗമായി ഇര്‍ഷാദ് ക്ലസ്റ്ററിന്റെ ആഭിമുഖ്യത്തില്‍ സമസ്ത  ആദര്‍ശ വിശദീകരണ സംഗമവും വീല്‍ചെയര്‍ വിതരണവും എസ്.എസ്.എല്‍.സി മെരിറ്റ് അവാര്‍ഡ് ദാനവും നടന്നു.   ക്ലസ്റ്റര്‍ ചെയര്‍മാന്‍ എം.ബാബുവിന്റെ അധ്യക്ഷതയില്‍ നടന്ന പരിപാടി സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സി.മുഹമ്മദ് അല്‍ഖാസിമി ഉദ്ഘാടനം ചെയ്തു. സക്കീര്‍ ഹുസൈന്‍ അല്‍അസ്ഹരി മുഖ്യപ്രഭാഷണം നിര്‍വ്വഹിച്ചു.
  ആയുര്‍വേദ ആശുപത്രിക്ക് നല്‍കിയ വീല്‍ചെയറിന്റെ ഉദ്ഘാടനം ഡോ.ഗണേഷ് നിര്‍വ്വഹിച്ചു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് പി.എ ശിഹാബുദ്ദീന്‍ മുസ്ലിയാര്‍ ആമുഖ പ്രഭാഷണം നടത്തി.
സമസ്ത ജില്ലാ വൈസ് പ്രസിഡന്റ് പി.എമൂസല്‍ ഫൈസി, എന്‍.പി എ നാസ്വിര്‍ മുസ്ലിയാര്‍, എം.കെ നവാസ്, ഇ.എന്‍.എസ് നവാസ്, എ.എം.എം ശാഫി റഹ്മത്തുല്ലാഹ്, എച്ച്.മുഹമ്മദ് ഇല്‍യാസ്, നാസിം വലിയമരം, അമീര്‍ കുഞ്ഞ്‌മോന്‍ സംസാരിച്ചു.