വടകര: എം.ഡി.എം.എ വിതരണ ശൃംഖലയിലെ പ്രധാന കണ്ണിയായ യുവതി പിടിയില്‍. കൂരാച്ചുണ്ട് ചെറുകാട് സ്വദേശി കാപ്പുമുക്ക് വീട്ടില്‍ കാവ്യയാണ് പിടിയിലായത്. ഇതേകേസില്‍ മരുതോങ്കര സ്വദേശിനി കീര്‍ത്തനയെ പൊലിസ് പിടികൂടിയിരുന്നു. ഈ ലഹരി ശൃംഖലയിലെ സാമ്പത്തിക കാര്യങ്ങള്‍ കൈകാര്യം ചെയ്തിരുന്ന പ്രധാന കണ്ണികളായിരുന്നു കീര്‍ത്തനയും കാവ്യയും. 

ആവിക്കല്‍ സ്വദേശി സഫ്!വാന്റെ പക്കല്‍ നിന്ന് രണ്ടുഗ്രാം എം.ഡി.എം.എ പൊലിസ് പിടിച്ചെടുത്തിരുന്നു. ഇയാളുടെ ബാങ്ക് അക്കൗണ്ട് വിവരങ്ങളും ഫോണ്‍ രേഖകളും കേന്ദ്രീകരിച്ച് സൈബര്‍ സെല്ലിന്റെ സഹായത്തോടെ നടത്തിയ നീക്കമാണ് ഇരുവരുടെയും അറസ്റ്റിലേക്കെത്തിച്ചത്. ഇവര്‍ രണ്ടുപേരും ബി.ആര്‍.സിയിലെ താല്‍കാലിക അധ്യാപികമാരാണ്. 

കൂടുതല്‍ സ്ത്രീകള്‍ ഇതുപോലെ ലഹരി വില്‍പ്പനയുമായി ബന്ധപ്പെട്ട് പ്രവര്‍ത്തിക്കുന്നുണ്ടെന്ന വിവരത്തിന്റെ അടിസ്ഥാനത്തില്‍ പൊലിസ് അന്വേഷണം ഊര്‍ജ്ജിതമാക്കി. കാവ്യയെ കോടതിയില്‍ ഹാജരാക്കി റിമാന്‍ഡ് ചെയ്തു.

A teacher has been arrested during Operation Toofan for allegedly playing a key role in a drug trafficking network. The arrest is part of a wider anti-narcotics crackdown targeting individuals involved in the distribution and supply of illegal drugs. Authorities are continuing their investigation to identify other members of the network and dismantle the operation.