ഗുജറാത്തിലെ സൂററ്റില്‍ തക്ഷശില കോംപ്ലക്‌സില്‍ 20ഓളം കുട്ടികളുടെ മരണത്തിനിടയാക്കിയ തീപ്പിടുത്തത്തിന്റെ ദൃഷ്യങ്ങള്‍ സാമൂഹ്യ മാധ്യമങ്ങളില്‍ പ്രചരിക്കുന്നു. കെട്ടിടത്തിന്റെ നാലാം നിലയില്‍ പ്രവര്‍ത്തിച്ച് വരുന്ന കോച്ചിങ്ങ് സെന്റെറില്‍ സംഭവം നടക്കുമ്പോള്‍ 50ഓളം കുട്ടികളുണ്ടായിരുന്നതായാണ് വിവരം. ഇന്ന് 12ാം ക്ലാസ് ഫലം പുറത്ത് വരാനിരിക്കേയാണ് ദാരുണമായ സംഭവം. കെട്ടിടത്തിന്റെ താഴെ നിലയില്‍ ഷോട്ട് സര്‍ക്യൂട്ട് കാരണമുണ്ടായ തീപ്പിടുത്തം മുകളിലേക്കെത്തുകയായിരുന്നുവെന്നാണ് ഔദ്യോഗിക സ്ഥിരീകരണം.

[video width="1920" height="1080" mp4="http://suprabhaatham.com/wp-content/uploads/2019/05/00011.mp4"][/video]

രക്ഷപ്പെടാന്‍ വേണ്ടി നാലാം നിലയില്‍ നിന്ന് ധാരാളം കുട്ടികള്‍ താഴേക്ക് ചാടുന്ന രംഗം സാമൂഹ്യമാധ്യമങ്ങളില്‍ പ്രചരിക്കുകയാണ്.അഗ്നിശമനസേനയും ആളുകളും നോക്കിനില്‍ക്കേയാണ് കുട്ടികള്‍ക്ക് യാതൊരു മുന്‍ കരുതലും കൂടാതെ ജീവന് വേണ്ടി താഴേക്ക് ചാടേണ്ടി വന്നത്. നാലാം നിലയില്‍ നിന്നും ചാടി ഗുരുതരമായി പരിക്കേറ്റ് മൂന്ന് പേര്‍ മരിച്ചു. കെട്ടിടത്തിനുളളിലുളളവരുടെ ശരീരം തിരിച്ചറിയാനാവാത്ത വിധം കത്തികരിഞ്ഞിരുന്നു. കുട്ടികള്‍ ജീവന് വേണ്ടി യാചിക്കുമ്പോഴും ആരും രക്ഷിക്കാന്‍ തയ്യാറായിരുന്നുല്ല.