ജുബൈല്‍: ജുബൈല്‍ കെഎംസിസിയുടെ മുതിര്‍ന്ന നേതാവും, ഹോസ്പിറ്റല്‍ ഏരിയ കെഎംസിസി ജനറല്‍ സെക്രട്ടറിയുമായിരുന്ന ഇക്ബാല്‍ പള്ളിക്കല്‍ ബസാറിന് ജുബൈല്‍ കെഎംസിസി ഹോസ്പിറ്റല്‍ ഏരിയ കമ്മിറ്റി യാത്രയയപ്പും സൗഹൃദ നോമ്പ് തുറയും സംഘടിപ്പിച്ചു. ജുബൈല്‍ കെഎംസിസിയുടെ മുതിര്‍ന്ന നേതാക്കളും പ്രവര്‍ത്തകരും ചടങ്ങില്‍ പങ്കെടുത്തു.

കെഎംസിസി ഹോസ്പിറ്റല്‍ ഏരിയ ജനറല്‍ സെക്രട്ടറി ശിഹാബ് കൊടുവള്ളി സ്വാഗതം പറഞ്ഞ ചടങ്ങില്‍ പ്രസിഡന്റ് സലാം ആലപ്പുഴ അധ്യക്ഷത വഹിച്ചു. ഈസ്റ്റേണ്‍ പ്രൊവിന്‍സ് കെഎംസിസി യുടെയും ജുബൈല്‍ സെന്‍ട്രല്‍ കമ്മിറ്റിയുടെയും വൈസ് പ്രസിഡന്റ് ഉസ്മാന്‍ ഒട്ടുമ്മല്‍ ഉദ്ഘാടനം ചെയ്തു. സമസ്ത ഇസ്‌ലാമിക് സെന്റര്‍ ജനറല്‍ സെക്രട്ടറി റാഫി ഹുദവി മുഖ്യ പ്രഭാഷണം നടത്തി. തുടര്‍ന്ന് ജുബൈല്‍ കെഎംസിസി നേതാക്കളായ ഹമീദ് പയ്യോളി, അനസ് വയനാട്, മുഹമ്മദ് കുട്ടി മാവൂര്‍, ഇബ്രാഹിംകുട്ടി താനൂര്‍ തുടങ്ങിയവര്‍ ആശംസാ പ്രസംഗം നടത്തി. ഇക്ബാല്‍ പള്ളിക്കല്‍ ബസാറിനുള്ള ഉപഹാരം ജുബൈല്‍ കെഎംസിസിയുടെ സ്ഥാപക നേതാക്കളില്‍ ഒരാളായ ബാവ പള്ളിക്കല്‍ ബസാര്‍ നല്‍കി. ബഷീര്‍ വെട്ടുപാറ, ബഷീര്‍ കൂളിമാട്, അബൂബക്കര്‍ കാസര്‍കോട്, ഹമീദ് ആലുവ, മുഫസ്സില്‍ തൃശൂര്‍, ജുനൈദ് തിരുവനന്തപുരം, യാസിര്‍ മണ്ണാര്‍ക്കാട്, ഷമീര്‍ എടവണ്ണപ്പാറ,
യാസിര്‍ സി.പി, ഷിബു കവലയില്‍, മുഹമ്മദ്ഷാ തുടങ്ങിയവര്‍ പരിപാടികള്‍ക്ക് നേതൃത്വം നല്‍കി. റാഫി കൂട്ടായി, ഇല്യാസ് പെരിന്തല്‍മണ്ണ, ജമാല്‍ കൊയപ്പള്ളി, അലിയാര്‍, മുഹമ്മദ് അലി ആനിക്കാട്ടില്‍, നൗഫല്‍ തൃശൂര്‍, സലാം ജെ എഫ് സി തുടങ്ങിയവരും പരിപാടിയില്‍ പങ്കെടുത്തു. ഷാമില്‍ ആനിക്കാട്ടില്‍ നന്ദി പറഞ്ഞു.