ന്യൂഡല്‍ഹി: പീഡന പരാതിയുമായി രംഗത്തെത്തിയ കന്യാസ്ത്രീക്കെതിരെ മോശം പരാമര്‍ശം നടത്തിയ പി.സി ജോര്‍ജ്ജ് എം.എല്‍.എയ്‌ക്കെതിരെ നടപടിയുമായി ദേശീയ വനിതാ കമ്മിഷന്‍. ഇതിന്റെ ഭാഗമായി ജോര്‍ജ്ജ് കമ്മിഷനു മുന്നില്‍ ഹാജരാവണം. സെപ്റ്റംബര്‍ 20ന് രാവിലെ 11.30 നാണ് സമയം നല്‍കിയിരിക്കുന്നത്.

ഡല്‍ഹിയിലെ ഓഫിസിലാണ് പി.സി ജോര്‍ജ്ജ് ഹാജരാവേണ്ടത്.

കന്യാസ്ത്രീകള്‍ക്ക് എതിരെ മോശം പരാമര്‍ശം നടത്തിയ പിസി ജോര്‍ജ് സാമാജികര്‍ക്ക് അപമാനമാണെന്ന് ദേശീയ വനിതാ കമ്മീഷന്‍ അധ്യക്ഷ രേഖാ ശര്‍മ്മ പറഞ്ഞിരുന്നു. അസഭ്യവര്‍ഷം നടത്തുന്നതില്‍ എം.എല്‍.എ മിടുക്കനാണെന്നും നിയമനടപടി സ്വീകരിക്കുമെന്നും രേഖാ ശര്‍മ്മ പറഞ്ഞു.