തിരുവനന്തപുരം: യുഡിഎഫിലേക്ക് വരാന്‍ മാണി സി കാപ്പന്‍ സന്നദ്ധത അറിയിച്ചുവെന്ന് എം എം ഹസ്സന്‍. പ്രതിപക്ഷ നേതാവുമായി ചര്‍ച്ച നടത്തിയെന്നും ഹസ്സന്‍ കൂട്ടിചേര്‍ത്തു. എന്‍സിപിയില്‍ നിന്ന് ഒരു എംഎല്‍എ പോകുന്നതോടെ എല്‍ഡിഎഫില്‍ കൊഴിച്ചില്‍ തുടരും. മുങ്ങുന്ന കപ്പലാണ് എല്‍ഡിഎഫെന്നും വിമര്‍ശിച്ചു.

ജോസ് കെ മാണിയുടെ പോക്കില്‍ മുന്നണിക്ക് ഒരു നഷ്ട്ടവുമില്ലെന്നും അദ്ദേഹം കൂട്ടിചേര്‍ത്തു. അതേ സമയം എം എം ഹസ്സന്റെ പ്രസ്താവനയെ കാപ്പന്‍ നിഷേധിച്ചു. എല്‍ ഡി എഫില്‍ തന്നെ ഉറച്ചുനില്‍ക്കുകയാണെന്ന് മാണി സി കാപ്പന്‍ മാധ്യമങ്ങളോട് പറഞ്ഞു.

ജോസ് കെ മാണി യുഡിഎഫിനോട് കാണിച്ചത് കടുത്ത വഞ്ചനയാണ് ചെയ്തതെന്നും ഹസ്സന്‍ പറഞ്ഞു.കൊവിഡ് രോഗ പ്രതിരോധ പ്രവർത്തനങ്ങളിൽ സർക്കാർ പരാജയമാണെന്നും ഹസ്സൻ കൂട്ടിച്ചേർത്തു.