ജിദ്ദ: ഈ മാസം വിവിധ രാജ്യങ്ങളിലെ 20 നഗരങ്ങളിലേക്ക് സര്‍വീസ് നടത്തുന്നതിനുള്ള ഷെഡ്യൂള്‍ സഊദി എയര്‍ലൈന്‍സ് പ്രസിദ്ധീകരിച്ചു. യൂറോപ്പിലെയും അമേരിക്കയിലെയും ഏഴ് എയര്‍പോര്‍ട്ടുകളിലേക്കും, ആഫ്രിക്കയിലെ ആറു എയര്‍പോര്‍ട്ടുകളിലേക്കും, ഏഷ്യയിലെ അഞ്ചു എയര്‍പോര്‍ട്ടുകളിലേക്കും മിഡിലീസ്റ്റിലെ രണ്ടു എയര്‍പോര്‍ട്ടുകളിലേക്കു മായിരിക്കും ഈ മാസം സര്‍വീസുകള്‍ ഉണ്ടായിരിക്കുക.

ഏഷ്യന്‍ രാജ്യങ്ങളില്‍ നിന്നുള്ള സര്‍വീസില്‍ ഇസ്ലാമാബാദ്, ജക്കാര്‍ത്ത, കറാച്ചി, കൊലാലംബൂര്‍, മനില എന്നീ നഗരങ്ങളിലേക്കായിരിക്കും സര്‍വീസ് നടത്തുക. മിഡിലീസ്റ്റില്‍ അമ്മാന്‍, ദുബൈ എന്നീ നഗരങ്ങളിലേക്കും സര്‍വീസ് സൗദി എയര്‍ലെന്‍സ് സര്‍വീസ്‌ നടത്തും.എല്ലാ യാത്രകളും ജിദ്ദ എയര്‍പോര്‍ട്ടിലെ ടെര്‍മിനല്‍ ഒന്നില്‍ നിന്നായിരിക്കും നടത്തുകയെന്നും നിലവിലെ സാഹചര്യത്തില്‍ സഊദിയിലേക്കും തിരിച്ചുമുള്ള യാത്രകള്‍ക്ക് അനുമതിയുള്ള പ്രത്യേക വിഭാഗങ്ങള്‍ക്കായിരിക്കും യാത്ര ചെയ്യാന്‍ സാധിക്കുകയെന്നും അധികൃതര്‍ ഓര്‍മ്മിപ്പിച്ചു.

പ്രസിദ്ധീകരിച്ച ലിസ്റ്റില്‍ ഇന്ത്യ ഇടം പിടിക്കാത്തത് നാട്ടിലുള്ള നിരവധി ഇന്ത്യന്‍ പ്രവാസികളില്‍ നിരാശ ഉണ്ടാക്കിയിട്ടുണ്ട്. നിലവില്‍ നാട്ടില്‍ നിന്ന് വരുന്നവര്‍ യു എ ഇ യില്‍ വന്ന് അവിടെ പതിനാല് ദിവസം നിരീക്ഷണത്തില്‍ ഇരുന്നതിന് ശേഷമാണ് സഊദിയിലേക്ക് എത്തുന്നത് ഇത്തരം മാര്‍ഗങ്ങളില്‍ നിരവധി പേര്‍ ഇതിനോടകം സഊദിയില്‍ എത്തിയിടുണ്ട്