മ്യൂണിക്: ഐ.എസ്.എസ്.എഫ് ലോകകപ്പ് ഷൂട്ടിങ് ചാംപ്യന്‍ഷിപ്പില്‍ ഇന്ത്യന്‍ താരം അപുര്‍വി ചണ്ഡേലക്ക് സ്വര്‍ണം. വനിതാ വിഭാഗം 10 മീറ്റര്‍ എയര്‍ റൈഫിളിലാണ് അപുര്‍വി സ്വര്‍ണം സ്വന്തമാക്കിയത്. ജയ്പൂരുകാരിയായി അപുര്‍വി 251 പോയിന്റ് നേടിയാണ് സ്വര്‍ണം കരസ്ഥമാക്കിയത്. ചൈനയുടെ വാങ് ലുയോ (250.8), സു ഹോങ് (229.4) യഥാക്രമം വെള്ളിയും വെങ്കലവും നേടി. സീസണില്‍ അപുര്‍വിയുടെ രണ്ടാം സ്വര്‍ണ നേട്ടമാണിത്. ഫെബ്രുവരിയില്‍ ഡല്‍ഹിയില്‍ നടന്ന ലോകകപ്പ് ഷൂട്ടിങില്‍ അപുര്‍വി റെക്കോര്‍ഡോടെ സ്വര്‍ണം നേടിയിരുന്നു. കരിയറില്‍ അപുര്‍വിയുടെ നാലാം മെഡല്‍ നേട്ടമാണിത്.