തിരുവനന്തപുരം: ലോക്‌സഭാ തെരഞ്ഞെടുപ്പിലെ ഉജ്ജ്വല വിജയത്തിന് നന്ദി രേഖപ്പെടുത്താന്‍ ജൂണ്‍ ആദ്യവാരം രാഹുല്‍ ഗാന്ധി വയനാട്ടില്‍ എത്തുമെന്ന് രമേശ് ചെന്നിത്തല വാര്‍ത്താ സമ്മേളനത്തില്‍ പറഞ്ഞു. ജൂണ്‍ ഒന്നിന് കേരളത്തിലെ എല്ലാ പഞ്ചായത്തിലും യു.ഡി.എഫ് വിജയദിനം ആഘോഷിക്കും.

ജൂണ്‍ പത്തിന് മുമ്പ് യു.ഡി.എഫ് ജില്ലാ കമ്മിറ്റികള്‍ കൂടി തെരഞ്ഞെടുപ്പ് വിജയം അവലോകനം ചെയ്യും. ജൂണ്‍ പതിനഞ്ചിന് ഒരു ദിവസം നീണ്ടു നില്‍ക്കുന്ന യു.ഡി.എഫ് യോഗം ചേരുമെന്നും യു.ഡി.എഫ് യോഗ തീരുമാനം വിശദീകരിച്ച് രമേശ് ചെന്നിത്തല പറഞ്ഞു.