കോട്ടയം:കേരള എന്‍ജിനിയറിങ് സ്റ്റാഫ് അസോസിയേഷന്റെ ആഭിമുഖ്യത്തില്‍ കോട്ടയം റോഡ്‌സ് ഡിവിഷനു മുന്നില്‍ കൂട്ടധര്‍ണ സംഘടിപ്പിച്ചു. ബാര്‍ കൗണ്‍സില്‍ ദേശീയ ജോയിന്റ് സെക്രട്ടറി അഡ്വ. പി.കെ ചിത്രഭാനു ധര്‍ണ ഉദ്ഘാടനം ചെയ്തു.
 അസിസ്റ്റന്റ് എന്‍ജിനീയര്‍ തസ്തികയിലേക്കുള്ള പ്രമോഷന് ബിടെക് യോഗ്യത വേണമെന്നുള്ള പി.ഡബ്ല്യൂ.ഡി ചീഫ് എന്‍ജിനിയറുടെ വഞ്ചനാപരമായ ശുപാര്‍ശ തള്ളിക്കളയുക, സാങ്കേതിക വിഭാഗം ജീവനക്കാരുടെ ശമ്പള സ്‌കെയില്‍ നിയമന യോഗ്യതയുടെ അടിസ്ഥാനത്തില്‍ പുനര്‍നിര്‍ണയിക്കുക, സീനിയോറിറ്റി ലിസ്റ്റുകള്‍ ഉടന്‍ തയ്യാറാക്കി സാങ്കേതിക വിഭാഗം ജീവനക്കാരുടെ പ്രമോഷന്‍ നടപ്പിലാക്കുക തുടങ്ങിയ ആവശ്യങ്ങള്‍ ഉന്നയിച്ച്  ജോയിന്റ് കൗണ്‍സില്‍ ജില്ലാ സെക്രട്ടറി എം.ജെ ബെന്നിമോന്‍, എന്‍.ജ. ഒ അസോസിയേഷന്‍ ജില്ലാ ജോയിന്റ് സെക്രട്ടറി പി.സി മാത്യു, കെ.ഇ.എസ്.എ സെക്രട്ടേറിയറ്റ് അംഗം വി.എസ് തമ്പി, കെ.ഇ.എസ്.എ ജില്ലാ സെക്രട്ടറി കെ.പി മനോജ് കുമാര്‍, കെ.ഇ.എസ്.എ ജില്ലാ പ്രസിഡന്റ് എം. രാജേഷ് സംസാരിച്ചു.