പയ്യന്നൂര്‍: എസ്.വൈ.എസ് രാമന്തളിയില്‍ സംഘടിപ്പിച്ച മജ്‌ലിസുന്നൂര്‍ വാര്‍ഷികം അബ്ദുറഷീദ് സഅദി മട്ടന്നൂര്‍ ഉദ്ഘാടനം ചെയ്തു. സി.എം.ടി മുഹമ്മദ് കുഞ്ഞി ഹാജി അധ്യക്ഷനായി. എസ്.കെ.എസ്.എസ്.എഫ് മലപ്പുറം ജില്ലാ പ്രസിഡന്റ് സയ്യിദ് ഫക്രുദ്ധീന്‍ തങ്ങള്‍ കണ്ണന്തളി പ്രാര്‍ത്ഥനക്ക് നേതൃത്വം നല്‍കി. മജ്‌ലിസുന്നൂര്‍ സംസ്ഥാന കണ്‍വീനര്‍ ഹസ്സന്‍ സഖാഫി പൂക്കോട്ടൂര്‍ മുഖ്യപ്രഭാഷണം നടത്തി. എസ്.കെ.എസ്.ബി.വി സംസ്ഥാന ജനറല്‍ സെക്രട്ടറി അഫ്‌സല്‍ രാമന്തളിയെ ഫക്രുദ്ധീന്‍ തങ്ങള്‍ ഉപഹാരം നല്‍കി ആദരിച്ചു. എസ്.കെ ഹംസ ഹാജി, പി.എം അബ്ദുല്ലത്തീഫ്, ഇ. അബൂബക്കര്‍, സി.എച്ച് ഇബ്രാഹിം മദനി, അഹമ്മദ് കുട്ടി മൗലവി, മുജീബ് റഹ്മാന്‍ ഫൈസി, കെ.കെ.സി അബ്ദുല്ല, എം. മൊയ്തു, യു.എന്‍ യഹിയ, സി.കെ അഹമ്മദ് ഹാജി, കുഞ്ഞിമൊയ്തീന്‍ മൗലവി, മുഹമ്മദ് രാമന്തളി, സയ്യിദ് മുര്‍ഷിദ് സംസാരിച്ചു.