കോട്ടയം: മാണി ഗ്രൂപ്പിനെ ഇടതു മുന്നണിയില്‍ കൊണ്ടുവരണമെന്ന് സി.എം.പി നേതാവ് കെ.ആര്‍ അരവിന്ദാക്ഷന്‍. മാണിയുടെ എല്‍.ഡി.എഫ് പ്രവേശനത്തെ സി.പി.ഐ എതിര്‍ക്കേണ്ടതില്ല. ന്യൂനപക്ഷത്തെ പ്രതിനിധീകരിക്കുന്ന രാഷ്ട്രീയ പാര്‍ട്ടികളെ ഇടതുപക്ഷത്തെത്തിക്കുന്നതില്‍ സി.പി.ഐയും പങ്ക് വഹിക്കേണ്ടതുണ്ടെന്ന് അദ്ദേഹം വ്യക്തമാക്കി.
ന്യൂനപക്ഷങ്ങളുടെ പേരില്‍ നിലകൊള്ളുന്ന രാഷ്ട്രീയപാര്‍ട്ടികള്‍ക്ക് യു.ഡി.എഫില്‍ അധികകാലം തുടരാന്‍ കഴിയാത്ത സാഹചര്യമാണുള്ളത്. ന്യൂനപക്ഷ സംരക്ഷണത്തിന് കോണ്‍ഗ്രസിന് കഴിയില്ലെന്ന് കണ്ടതോടെയാണ് മാണി രാഷ്ട്രീയ നിലപാടില്‍ മാറ്റം വരുത്തിയതെന്നും കെ.ആര്‍ അരവിന്ദാക്ഷന്‍ പറഞ്ഞു.
ഇന്നത്തെ രാഷ്ട്രീയ സാഹചര്യത്തില്‍ രാജ്യത്ത് ഇടതു- സോഷ്യലിസ്റ്റ്-മതേതര സോഷ്യലിസ്റ്റ് ജനാധിപത്യകക്ഷികളുടെ യോജിപ്പ് അനിവാര്യമാണെന്നും അദ്ദേഹം വ്യക്തമാക്കി.