മാഡ്രിഡ്: യുവേഫ ചാംപ്യന്‍സ് ലീഗ് സെമി പോരാട്ടത്തില്‍ വെന്നിക്കൊടി പാറിച്ചിട്ടും ഫൈനലന്ന സ്വപ്‌നം യാഥാര്‍ഥ്യമാക്കാനാവാതെ അത്‌ലറ്റിക്കോ മാഡ്രിസ്. ആദ്യപാദത്തിലെ 3-0ത്തിന്റെ കരുത്തും 4-2ന്റെ അഗ്രഗേറ്റുമായി റയല്‍ മാഡ്രിഡ് ഫൈനലിലെത്തി. യുവന്റാസ് കലാശപ്പോരാട്ടത്തില്‍ റയലിന്റെ എതിരാളികള്‍.

മൂന്ന് തവണ ഫൈനലിലെത്തിയിട്ടും കിരീട ഭാഗ്യം ഇല്ലാത്ത ടീമാണ് അത്‌ലറ്റിക്കോ മാഡ്രിഡ്. 1974, 2014, 2016 വര്‍ഷങ്ങളിലാണ് അവര്‍ ഫൈനലിലെത്തിയത്. 2014ലും 16ലും റയല്‍ മാഡ്രിഡാണ് അവരെ കീഴടക്കിയത്. റയലാകട്ടെ 11 വട്ടം കിരീടം സ്വന്തമാക്കി ഏറ്റവും കൂടുതല്‍ ചാംപ്യന്‍സ് ലീഗ് ട്രോഫി കൈവശം വച്ച ടീമെന്ന ഖ്യാതിയുള്ളവരാണ്. നിലവിലെ ജേതാക്കളായ അവര്‍ ഇത്തവണയും കിരീടം നേടി ചാംപ്യന്‍സ് ലീഗ് നിലനിര്‍ത്തുന്ന ആദ്യ സംഘമെന്ന റെക്കോര്‍ഡാണ് മുന്നില്‍ കാണുന്നത്.