കോട്ടയം: അകലക്കുന്നം പഞ്ചായത്ത് വൈസ് പ്രസിഡന്റ് തെരഞ്ഞെടുപ്പില്‍ കേരള കോണ്‍ഗ്രസ് എം സ്ഥാനാര്‍ഥി അജിതാ ജോമോന് വിജയം. ഇന്നു രാവിലെ നടന്ന തെരഞ്ഞെടുപ്പില്‍ കേരള കോണ്‍ഗ്രസ് എമ്മിനു കോണ്‍ഗ്രസ് പിന്തുണ നല്‍കി.

പഞ്ചായത്തില്‍ കോണ്‍ഗ്രസിന് നാല്, കേരള കോണ്‍ഗ്രസിന് ആറ്, സി.പി.എമ്മിന് അഞ്ച് എന്നിങ്ങനെയാണ് കക്ഷിനില. എതിര്‍സ്ഥാനാര്‍ഥിയായി മത്സരിച്ച എല്‍.ഡി.എഫിലെ ഗിരിജാ രാജന് അഞ്ച് വോട്ട് ലഭിച്ചു. കേരള കോണ്‍ഗ്രസ് എമ്മിനു നിര്‍ണായക ഭൂരിപക്ഷമുള്ള പഞ്ചായത്തില്‍ കോണ്‍ഗ്രസ് കേരള കോണ്‍ഗ്രസ് എം മുന്‍ ധാരണപ്രകാരം വൈസ് പ്രസിഡന്റായിരുന്ന ഷാലി ബെന്നി സ്ഥാനം രാജിവെച്ചതിനെ തുടര്‍ന്നാണ് തെരഞ്ഞെടുപ്പ് നടന്നത്.