മുട്ടില്‍: അറുതി വേണമീ മരണപ്പാച്ചിലുകള്‍ക്ക് എന്ന സന്ദേശവുമായി എം.എസ്.എഫ് ഡബ്ലൂ.എം.ഒ കോളജ് യൂനിറ്റിന്റെ ആഭിമുഖ്യത്തില്‍ ഫ്‌ളോറല്‍ ക്യാന്‍വാസ് സംഘടിപ്പിച്ചു.
കഴിഞ്ഞ ദിവസം കോളജ് പരിസരത്ത് നടന്ന അപകടത്തിന്റെ പശ്ചാത്തലത്തില്‍ വിദ്യാര്‍ഥികളെ ബോധവല്‍കരിക്കാന്‍ വേണ്ടിയായിരുന്നു പരിപാടി. അമിത വേഗതയും ശ്രദ്ധ ഇല്ലായ്മയുമാണ് റോഡ് അപകടങ്ങള്‍ക്ക് പ്രധാന കാരണമെന്ന് ഫ്‌ളോറല്‍ ക്യാന്‍വാസിലൂടെ വിദ്യാര്‍ഥികള്‍ അഭിപ്രായപ്പെട്ടു. എം.എസ്.എഫ് ജില്ലാ സെക്രട്ടറി അസ്ഹറുദ്ദീന്‍ കല്ലായി പരിപാടി ഉദ്ഘാടനം ചെയ്തു. അജ്മല്‍ കമ്പളക്കാട് അധ്യക്ഷനായി. അശ്ക്കര്‍ പടയന്‍, നിയാസ് മടക്കിമല, മുനീബ് പി.സി, റിയാസ് പാപ്ലശ്ശേരി, അര്‍ച്ചന, അഫ്‌സത്ത്, ജംഷീദ് പങ്കെടുത്തു.