തിരുവനന്തപുരം: നവകേരള കര്‍മ പദ്ധതിയുടെ ഭാഗമായുള്ള ആര്‍ദ്രം മിഷന്റെ ആര്‍ദ്ര കേരളം പുരസ്‌കാരം പ്രഖ്യാപിച്ചു. ആരോഗ്യ മേഖലയില്‍ തദ്ദേശസ്വയംഭരണ സ്ഥാപനങ്ങള്‍ നടത്തിവരുന്ന മികച്ച പ്രവര്‍ത്തനങ്ങള്‍ക്കുള്ള അംഗീകാരമായി നല്‍കുന്ന പുരസ്‌കാരം ആരോഗ്യ മന്ത്രി കെ.കെ ശൈലജയാണ് പ്രഖ്യാപിച്ചത്.

ഒന്നാം സ്ഥാനം (10 ലക്ഷം രൂപ) കൊല്ലം ജില്ലാപഞ്ചായത്ത്, കൊല്ലം കോര്‍പ്പറേഷന്‍, കട്ടപ്പന മുനിസിപ്പാലിറ്റി, നീലേശ്വരം ബ്ലോക്ക് പഞ്ചായത്ത്, കിളിമാനൂര്‍ ഗ്രാമ പഞ്ചായത്ത് എന്നിവര്‍ നേടി. രണ്ടാം സ്ഥാനം (5 ലക്ഷം) കോഴിക്കോട് ജില്ലാ പഞ്ചായത്ത്, തൃശൂര്‍ കോര്‍പറേഷന്‍, അങ്കമാലി മുനിസിപ്പാലിറ്റി, റാന്നി ബ്ലോക്ക് പഞ്ചായത്ത്, മുത്തോലി (കോട്ടയം ജില്ല) ഗ്രാമ പഞ്ചായത്ത് എന്നിവര്‍ നേടി.
മൂന്നാം സ്ഥാനം (5 ലക്ഷം) മലപ്പുറം ജില്ലാ പഞ്ചായത്ത്, കൂത്താട്ടുകുളം മുനിസിപ്പാലിറ്റി, ശ്രീകൃഷ്ണപുരം ബ്ലോക്ക് പഞ്ചായത്ത് (പാലക്കാട് ജില്ല), ആലപ്പാട് ഗ്രാമ പഞ്ചായത്ത് (കൊല്ലം) എന്നിവര്‍ നേടി.
ഗ്രാമ-ബ്ലോക്ക്-ജില്ലാ പഞ്ചായത്തുകള്‍ക്കും മുനിസിപ്പാലിറ്റികള്‍ക്കും മുനിസിപ്പല്‍ കോര്‍പറേഷനുകള്‍ക്കും സംസ്ഥാനതല അവാര്‍ഡുകളും ഗ്രാമപഞ്ചായത്തുകള്‍ക്ക് ജില്ലാതല അവാര്‍ഡുകളുമാണ് നല്‍കുന്നത്.