ന്യൂഡല്‍ഹി: രണ്ടാം തവണയും പ്രധാനമന്ത്രിയായി സത്യപ്രതിജ്ഞ ചെയ്ത മോദി, വീണ്ടും തിരക്കിലേക്ക്.
സത്യപ്രതിജ്ഞ ചെയ്ത് അധികാരമേറ്റതിന് പിന്നാലെ വിവിധ രാഷ്ട്രതലവന്‍മാരുമായുള്ള കൂടിക്കാഴ്ചയും നടന്നു. സത്യപ്രതിജ്ഞാ ചടങ്ങ് കഴിഞ്ഞ ഉടന്‍ കിര്‍ഗിസ്ഥാന്‍ പ്രസിഡന്റ് സൂരോണ്‍ബെ ജീന്‍ബെകോവുമായിട്ടായിരുന്നു ആദ്യ കൂടിക്കാഴ്ച. തുടര്‍ന്ന് ബംഗ്ലാദേശ് പ്രസിഡന്റ് മുഹമ്മദ് അബ്ദുല്‍ ഹാമിദ്, ശ്രീലങ്കന്‍ പ്രസിഡന്റ് മൈത്രിപാല സിരിസേന, മൗറീഷ്യസ് പ്രധാനമന്ത്രി പ്രവിന്ദ് കുമാര്‍ ജുഗനൗദ്, നേപ്പാള്‍ പ്രധാനമന്ത്രി കെ.പി ശര്‍മ ഓലി, ഭൂട്ടാന്‍ പ്രധാനമന്ത്രി ലോത്തെ ഷെറിങ് എന്നിവരുമായും കൂടിക്കാഴ്ച നടത്തി.