ദുബൈ: കിങ്‌സ് ഇലവന്‍ പഞ്ചാബിനെതിരെ ടോസ് നേടിയ ഡല്‍ഹി ക്യാപിറ്റല്‍സ് ബാറ്റിങ് തെരഞ്ഞെടുത്തു. പരുക്കേറ്റ് പുറത്തിരുന്ന ഋഷഭ് പന്ത് പ്ലെയിങ് ഇലവനില്‍ തിരിച്ചെത്തിയതാണ് ഡല്‍ഹിയിലെ പ്രധാന മാറ്റം. അതേസമയം, പഞ്ചാബ് നിരയില്‍ ക്രിസ് ജോര്‍ദാനു പകരം ജെയിംസ് നിഷം കളിക്കുന്നു.

ആദ്യം ഏറ്റുമുട്ടിയപ്പോള്‍ സൂപ്പര്‍ ഓവറിലൂടെ ഡല്‍ഹി ക്യാപിറ്റല്‍സാണ് വിജയം സ്വന്തമാക്കിയിരുന്നത്. പഞ്ചാബിന് ഇനിയുള്ള കളികളെല്ലാം നിര്‍ണായകമാണ്. അഞ്ച് മത്സരങ്ങള്‍ തുടര്‍ച്ചയായി തോറ്റ പഞ്ചാബ് അവസാന രണ്ട് മത്സരങ്ങളില്‍ വിജയത്തിന്റെ ആത്മവിശ്വാസത്തിലാണ് ഇന്ന് ഇറങ്ങുന്നത്.

അതേസമയം, ഏഴ് ജയത്തോടെ ഡല്‍ഹി തന്നെയാണ് ഇപ്പോള്‍ ഒന്നാംസ്ഥാനത്ത്. പഞ്ചാബ് പട്ടികയില്‍ ഏഴാമതാണ്.