ജിദ്ദ: മദീനയില്‍ മസ്ജിദുന്നബവി സന്ദര്‍ശനം ലക്ഷ്യമിടുന്നവര്‍ക്കായി പുതിയ ആപ്. സാഇറൂന്‍ എന്നാണ് പുതിയ ആപിന്റെ പേര്. മസ്ജിദുന്നബവിയിലേക്കുള്ള പ്രവേശനവും പുറത്തിറങ്ങളും ക്രമീകരിക്കുന്നതിന് ഈ ആപ് സഹായിക്കും. ഹറംകാര്യ വകുപ്പ് മേധാവി ഡോ. അബ്ദുറഹ്മാന്‍ അല്‍സുദൈസ് ആപ് ഉദ്ഘാടനം ചെയ്തു. വിശ്വാസികളുടെ ആരോഗ്യ സുരക്ഷ കാത്തുസൂക്ഷിക്കുന്നതിന് ലക്ഷ്യമിട്ടുള്ളതാണ് പുതിയ ആപ്. ഇരു ഹറമുകളിലും എത്തുന്നവര്‍ക്ക് നല്‍കുന്ന സേവനങ്ങള്‍ മികവുറ്റതാക്കാന്‍ പുതിയ സാങ്കേതിക വിദ്യകള്‍ പരമാവധി പ്രയോജനപ്പെടുത്തേണ്ടതുണ്ടെന്ന് ആപ് ഉദ്ഘാടനം ചെയ്തുകൊണ്ട് ഡോ. അബ്ദുറഹ്മാന്‍ അല്‍സുദൈസ് പറഞ്ഞു.