നിലമ്പൂര്‍: സമസ്ത മുസാഅദ സെന്റര്‍ കെട്ടിടോദ്ഘാടനത്തോടനുബന്ധിച്ച് കോട്ടുമല ബാപ്പു മുസ്‌ലിയാര്‍ നഗറില്‍ (ഒസികെ ഓഡിറ്റോറിയം) ഇന്ന് വൈകീട്ട് ഏഴിന് നടക്കുന്ന മതപ്രഭാഷണ പരിപാടി സമസ്ത ജില്ലാ ജനറല്‍ സെക്രട്ടറി പി കുഞ്ഞാണി മുസ്‌ലിയാര്‍ ഉദ്ഘാടനം ചെയ്യും. താലൂക്ക് ജന. സെക്രട്ടറി പുത്തനഴി മൊയ്തീന്‍ ഫൈസി അധ്യക്ഷനാവും. പരലോകത്തെ അത്ഭുതങ്ങള്‍ എന്ന വിഷയത്തില്‍ സലാഹുദ്ദീന്‍ ഫൈസി വലപ്പുഴ പ്രഭാഷണം നടത്തും. പ്രാര്‍ഥനക്ക് കെ.ടി ഇസ്ഹാഖ് ഫൈസി നേതൃത്വം നല്‍കും.
ജില്ലാ ആശുപത്രിയോട് ചേര്‍ന്നുള്ള മുസാഅദ സെന്റര്‍ കെട്ടിടോദ്ഘാടനം നാളെ വൈകീട്ട് 3.30ന് അസര്‍ നിസ്‌കാരത്തിന് നേതൃത്വം നല്‍കി പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. ഒ.സി.കെ ഓഡിറ്റോറിയത്തില്‍ വൈകീട്ട് നാലിന് പൊതുസമ്മേളനവും തങ്ങള്‍ ഉദ്ഘാടനം ചെയ്യും. സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാവും. എംടി അബ്ദുല്ല മുസ്‌ലിയാര്‍ അനുഗ്രഹപ്രഭാഷണം നടത്തും. നിയുക്ത എംപി പി.കെ കുഞ്ഞാലിക്കുട്ടി, പി.വി അബ്ദുല്‍ വഹാബ് എം.പി, പി.വി അന്‍വര്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, ഹാജി കെ മമ്മദ് ഫൈസി, അബ്ദുസമദ് പൂക്കോട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, സലീം എടക്കര തുടങ്ങിയവര്‍ സംബന്ധിക്കും.
വൈകീട്ട് 5.30ന് റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തും. മൊയ്തീന്‍കുട്ടി ഫൈസി വാക്കോട് ഉദ്ഘാടനം ചെയ്യും. ഏലംകുളം ബാപ്പു മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.