വളാഞ്ചേരി: സമസ്ത കേരള ജംഇയത്തുല്‍ ഉലമ കേന്ദ്ര മുശാവറയിലേക്ക് തെരെഞ്ഞെടുക്കപ്പെട്ട പ്രതിനിധികളെ മര്‍ക്കസ് ആദരിച്ചു. ജില്ലയില്‍നിന്ന് തെരെഞ്ഞെടുക്കപ്പെട്ട വളാഞ്ചേരി മര്‍ക്കസ് ജനറല്‍ സെക്രട്ടറി ഹംസക്കുട്ടി ബാഖവി ആദൃശേരിയേയും ഒ.ടി മൂസ മുസ്‌ലിയാരേയുമാണ് ആദരിച്ചത്. സമസ്ത പ്രസിഡന്റ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു.
പാണക്കാട് സയ്യിദ് മുനവ്വറലി ശിഹാബ് തങ്ങള്‍ ആധ്യക്ഷനായി. സമസ്ത ജനറല്‍ സെക്രട്ടറി പ്രൊഫ. ആലിക്കുട്ടി മുസ്‌ലിയാര്‍ മുഖ്യാതിഥിയായിരുന്നു. മര്‍ക്കസീയരും ആദരിക്കപ്പെടുന്നവരും എന്ന വിഷയത്തില്‍ അബ്ദുസ്സമദ് സമദാനി മുഖ്യപ്രഭാഷണം നടത്തി. സി.ഐ.സി കോഡിനേറ്റര്‍ അബ്ദുല്‍ ഹക്കീം ഫൈസി ആദൃശേരി ആശംസാ പ്രഭാഷണം നടത്തി.
കാളാവ് സൈതലവി മുസ്‌ലിയാര്‍, പൂക്കോയ തങ്ങള്‍ അല്‍ഐന്‍, പല്ലാര്‍ മുഹമ്മദ് കുട്ടി മുസ്‌ലിയാര്‍, ഡോ. അബ്ദുറഹിമാന്‍ ഒളവട്ടൂര്‍ സംസാരിച്ചു. പ്രാര്‍ഥനയാണ് ഞങ്ങള്‍ക്ക് വേണ്ടതെന്നും ലഭിച്ച പദവി കൃത്യമായി ഉപയോഗിക്കാനുള്ള കഴിവിന് വേണ്ടി പ്രാര്‍ഥിക്കണമെന്നും മറുപടി പ്രസംഗത്തില്‍ ഹംസക്കുട്ടി ബാഖവിയും ഒ.ടി മൂസ മുസ്ലിയാരും ആവശ്യപ്പെട്ടു.
പല്ലാര്‍ മൊയ്തീന്‍ ഹാജി, അബൂയൂസുഫ് കുരിക്കള്‍, ഹുസൈന്‍ കോയ തങ്ങള്‍, ഹബീബ് റഹ്മാന്‍, മമ്മിക്കുട്ടി മുസ്‌ലിയാര്‍, നെടുങ്ങോട്ടൂര്‍ കുഞ്ഞഹമ്മദ് ബാഖവി, എം.കെ കൊടശ്ശേരി ഫൈസി എന്നിവര്‍ സംബന്ധിച്ചു. മര്‍ക്കസ് യു.എ.ഇ മുന്‍ സെക്രട്ടറി കെ.വി ഹംസ മൗലവി സ്വാഗതവും മര്‍ക്കസ് സെക്രട്ടറി ഇബ്രാഹീം ഹാജി നന്ദിയും പറഞ്ഞു.