മാഡ്രിഡ്: സ്പാനിഷ് താരമായിരുന്ന ഡേവിഡ് വിയ്യ ഐ.എസ്.എല്ലിലേക്ക് ഇല്ലെന്ന് ഏജന്റ് വ്യക്തമാക്കി. കഴിഞ്ഞ ദിവസം ദേശീയ മാധ്യമങ്ങളും സ്പാനിഷ് മാധ്യമങ്ങളും വിയ്യ മുംബൈ സിറ്റിയിലേക്ക് എത്തും എന്ന തരത്തില്‍ വാര്‍ത്തകള്‍ പ്രചരിപ്പിച്ചിരുന്നു.
തീര്‍ത്തും അടിസ്ഥാനരഹിതമായ വാര്‍ത്തയാണ് ഇതെന്നായിരുന്നു വിയ്യയുടെ ഏജന്റിന്റെ പ്രതികരണം. വിയ്യയുടെ ഏജന്റായ വിക്ടര്‍ ഒനാറ്റെ ട്വിറ്ററിലൂടെയാണ് ഇക്കാര്യം അറിയിച്ചത്.
താരം അടുത്തിടെ രണ്ട@ു വര്‍ഷത്തേക്ക് ജപ്പാന്‍ ക്ലബുമായി കരാര്‍ പുതുക്കിയിരുന്നു. അതിനാല്‍ മുംബൈ സിറ്റി ഡേവിഡ് വിയ്യയെ സ്വന്തമാക്കാന്‍ ശ്രമിച്ചാലും വന്‍ തുക തന്നെ നല്‍കേണ്ടി വരും.