അങ്ങാടിപ്പുറം: നിയന്ത്രണം വിട്ട ഓട്ടോറിക്ഷ സമീപത്തെ നാലോളം വാഹനങ്ങളില്‍ ഇടിച്ചു. ഇന്നലെ ഉച്ചയോടെ പെരിന്തല്‍മണ്ണ ഭാഗത്തു നിന്നും വന്ന പാസഞ്ചര്‍ ഓട്ടോറിക്ഷ അങ്ങാടിപ്പുറം തളി ജങ്ഷനില്‍ വെച്ചു വളാഞ്ചേരി ഭാഗത്തു നിന്നും വന്ന ഒരു ജീപ്പില്‍ ഇടിച്ചതിനെത്തുടര്‍ന്നാണു ഓട്ടോറിക്ഷ നിയന്ത്രണം വിട്ടത്. സമീപത്തെ ഹോട്ടലിനു മുന്‍വശത്തു പാര്‍ക്ക് ചെയ്തിരുന്ന അഞ്ചോളം വാഹനങ്ങള്‍ ഇടിച്ച ശേഷമാണു വാഹനം നിന്നത്.