ഹരിപ്പാട്:  ഒരേ മനസ്സോടെ പ്രവര്‍ത്തിച്ചാല്‍ നമ്മുടെ കൂട്ടായ്മയെ തകര്‍ക്കുവാന്‍ കഴിയുകയില്ലെന്നും നീതി നിര്‍വ്വഹണം നടത്തുന്നവര്‍ക്കോ മാറി മാറി വരുന്ന ഭരണാധികാരികള്‍ക്കോ സമുദായ താല്‍പര്യങ്ങള്‍ സംരക്ഷിക്കുവാന്‍ സാധിക്കുന്നില്ലെന്നും എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പറഞ്ഞു.
കാര്‍ത്തികപ്പള്ളി യൂണിയനിലെ പള്ളിപ്പാട് 272ാം നമ്പര്‍ ശാഖാ യോഗത്തിലെ ഗുരുക്ഷേത്ര സമര്‍പ്പണവും അതോടനുബന്ധിച്ചുള്ള പൊതുസമ്മേളനവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.വി.എസ് അച്യുതാനന്ദന്‍ നല്ല മനുഷ്യനാണ്, അദ്ദേഹം ക്ഷിപ്രകോപിയും ക്ഷിപ്രസാദിയുമാണ്. സത്യം അദ്ദേഹം മനസ്സിലാക്കിയതുകൊണ്ടും കാര്യങ്ങള്‍ ബോധ്യപ്പെട്ടതുകൊണ്ടും ഇപ്പോള്‍ എനിയ്‌ക്കെതിരേ ഒന്നും മിണ്ടുന്നില്ലെന്നും വെള്ളാപ്പള്ളി പറഞ്ഞു. യൂണിയന്‍ പ്രസിഡന്റ് കെ.അശോകപ്പണിക്കര്‍ അധ്യക്ഷനായി.