ന്യൂഡല്‍ഹി: ഐ.ഐ.ടികളിലെ രാജ്യാന്തര പ്രാതിനിധ്യം വര്‍ദ്ധിപ്പിക്കുന്നതിന്റെ ഭാഗമായി യോഗ്യരായ വിദേശ വിദ്യാര്‍ഥികള്‍ക്ക് അവസരമൊരുക്കാന്‍ ഐ.ഐ.ടി കൗണ്‍സില്‍ തീരുമാനിച്ചതായി കേന്ദ്രമാനവവിഭവശേഷി വകുപ്പ് മന്ത്രി പ്രകാശ് ജാവ്‌ദേക്കര്‍ ലോക്‌സഭയില്‍ അറിയിച്ചു.
ഇതിന്റെ ഭാഗമായി ജെ.ഇ.ഇ(അഡ്വാന്‍സ്ഡ്) പരീക്ഷ അഫ്ഗാനിസ്ഥാന്‍, ബംഗ്ലാദേശ്, ശ്രീലങ്ക, നേപ്പാള്‍, ഭൂട്ടാന്‍, മാലിദ്വീപ്, സിംഗപ്പൂര്‍, യു.എ.ഇ, എത്യോപ്യ എന്നീ രാജ്യങ്ങളില്‍ നടത്തും.  ദേശീയ കോ ഓര്‍ഡിനേറ്ററായി ഐ.ഐ.ടി ബോംബെയെ നിയോഗിച്ചു.