കല്‍പ്പറ്റ: പോളിടെക്‌നിക് കോളജുകളിലേക്ക് പ്രവേശനത്തിനുള്ള അപേക്ഷ ക്ഷണിച്ചു. മെയ് 15 മുതല്‍ ുീഹ്യമറാശശൈീി.ീൃഴ സൈറ്റില്‍ ഓണ്‍ലൈനായി അപേക്ഷ സമര്‍പ്പിക്കാം.  മുന്‍ വര്‍ഷങ്ങളില്‍ നിന്ന് വ്യത്യസ്തമായി സംസ്ഥാനാടിസ്ഥാനത്തിലാണ് പ്രവേശനം. അപേക്ഷ പൂര്‍ണമായും ഓണ്‍ലൈനായാണ് സമര്‍പ്പിക്കേണ്ടത്. ജനറല്‍ വിഭാഗത്തിന് 150 രൂപയും എസ്.സിഎസ്.ടി.
വിഭാഗത്തിന് 75 രൂപയുമാണ് അപേക്ഷാ ഫീസ്.  പിന്നോക്ക ജില്ലകളായ പത്തനംതിട്ട, ഇടുക്കി, മലപ്പുറം, വയനാട്, കാസര്‍കോഡ് എന്നിവിടങ്ങളിലെ വിദ്യാര്‍ഥികള്‍ക്ക് അതാത് ജില്ലയില്‍ പ്രവേശനത്തിന് വെയ്‌റ്റേജ് ഉണ്ടായിരിക്കും.
ഒരു വിദ്യാര്‍ഥിക്ക് 25 ഓപ്ഷനുകള്‍ വരെ നല്‍കാം.  എന്‍.സി.സി, സ്‌പോര്‍ട്‌സ് ക്വാട്ട, എയ്ഡഡ് കോളജുകളിലെ മാനേജ്‌മെന്റ് സീറ്റുകള്‍ എന്നിവക്ക് പ്രത്യേകം അപേക്ഷകള്‍ ഓണ്‍ലൈനിലൂടെ സമര്‍പ്പിക്കണം. കേരളത്തിലെ എല്ലാ പോളിടെക്‌നിക് കോളജുകളില്‍ നിന്നും മെയ് 15 മുതല്‍ 20 രൂപ നിരക്കിലും വെബ് സൈറ്റില്‍ നിന്ന് സൗജന്യമായും പ്രോസ്‌പെക്ടസ് ലഭിക്കും.