ദമാം: കിഴക്കന്‍ സഊദിയിലെ ദമാമിനു സമീപം ദമാം ജുബൈല്‍ എക്‌സ്പ്രസ് വെയിലുണ്ടായ ഉണ്ടായ വാഹനാപകടത്തില്‍ മലയാളി മരിച്ചു. കൊല്ലം അഞ്ചല്‍ താടിക്കാട് ചന്തമുക്ക് ചരുവിള പുത്തന്‍ വീട്ടില്‍ റഹീം (54) ആണ് മരിച്ചത്. കഴിഞ്ഞ ദിവസം ദമാമില്‍ നിന്നും ജുബൈലിലേക്ക് വരുന്നതിനിടെ ഇദ്ദേഹം ഓടിച്ച വാഹനം അപകടത്തില്‍ പെട്ടാണ് മരണം. കൂടെയുണ്ടായിരുന്നയാളെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. പതിനഞ്ചു വര്‍ഷമായി ദമാം 91 ല്‍ ഡ്രൈവറായി ജോലി ചെയ്തു വരികയായിരുന്നു. ദമാം സെന്‍ട്രല്‍ ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടില്‍ കൊണ്ട് പോകാനുള്ള ഒരുക്കങ്ങള്‍ നടന്നു വരികയാണ്. സൈഫുന്നീസയാണ് ഭാര്യ. മക്കള്‍: ഷെബിന, ഷെറീന, മരുമക്കള്‍: സുനീര്‍, സമീര്‍.