പാലക്കാട്: 'ഊര്‍ജ കേരള അവാര്‍ഡ് 'സുപ്രഭാതം ഇടുക്കി ബ്യൂറോ ചീഫ് ബാസിത് ഹസന്‍ ഏറ്റുവാങ്ങി. 10,000 രൂപയും ഫലകവും പ്രശസ്തി പത്രവും അടങ്ങിയ അവാര്‍ഡ് വൈദ്യുതി വകുപ്പ് മന്ത്രി എം.എം മണി സമ്മാനിച്ചു. അവാര്‍ഡ് സംബന്ധിച്ച് കെ.എസ്.ഇ.ബി പബ്ലിക് റിലേഷന്‍സ് ഓഫിസര്‍ ജെ. മുഹമ്മദ് സിയാദ് വിശദീകരണം നടത്തി. വൈദ്യുതി മേഖലയുമായി ബന്ധപ്പെട്ട് മലയാള പത്രങ്ങളില്‍ പ്രസിദ്ധീകരിച്ച മികച്ച വാര്‍ത്തകള്‍ക്കും ലേഖനങ്ങള്‍ക്കും കെ.എസ്.ഇ.ബി ഓഫിസേഴ്‌സ് അസോസിയേഷന്‍ ഏര്‍പ്പെടുത്തിയതാണ് അവാര്‍ഡ്.
പാലക്കാട് സൂര്യരശ്മി കണ്‍വന്‍ഷന്‍ സെന്ററില്‍ നടന്ന ചടങ്ങില്‍ കെ.എസ്.ഇ.ബി ഓഫിസേഴ്‌സ് അസോസിയേഷന്‍ സംസ്ഥാന പ്രസിഡന്റ് ജെ. സത്യരാജന്‍ അധ്യക്ഷനായി. എം.ബി രാജേഷ് എം.പി, എം.ജി സുരേഷ്‌കുമാര്‍, ബി. പ്രദീപ്, പി.വി ലതീഷ്, ആര്‍. മോഹനചന്ദ്രന്‍, എം.പി സുധീപ്, ടി.എസ് രഘുലാല്‍ എന്നിവര്‍ സംബന്ധിച്ചു.