കണ്ണൂര്‍: യൂനിവേഴ്‌സിറ്റിയുടെ കീഴില്‍ പാലയാട് പ്രവര്‍ത്തിക്കുന്ന സ്‌കൂള്‍ ഓഫ് ലീഗല്‍ സ്റ്റഡീസിന്റെ ബാര്‍ കൗണ്‍സില്‍ അംഗീകാരം നേടാനാവശ്യമായ പ്രവര്‍ത്തനങ്ങള്‍ വേഗത്തിലാക്കുക, പുതിയ അഡ്മിഷന്‍ ആവശ്യമായ നടപടികള്‍ ആരംഭിക്കുക തുടങ്ങിയ ആവശ്യങ്ങള്‍ ഉന്നയിച്ച് എ.ബി.വി.പി ജില്ലാകമ്മറ്റിയുടെ നേതൃത്വത്തില്‍ സര്‍വകലാശാല ആസ്ഥാനത്തേക്ക് മാര്‍ച്ചു നടത്തി. ജില്ലാ സമിതിയംഗം വി വിഷ്ണു ഉദ്ഘാടനം ചെയ്തു. ജില്ലാ കണ്‍വീനര്‍ ടി.വി പ്രേംസായി അധ്യക്ഷനായി. എ.ബി.വി.പി നിയമ വിദ്യാര്‍ഥി സംസ്ഥാന സെല്‍ കണ്‍വീനര്‍ കെ രഞ്ജിത്ത്, കെ.കെ അമല്‍, പ്രയാഗ് പ്രകാശ് സംസാരിച്ചു.