കുറ്റിച്ചിറ: സിയെസ്‌കൊ ഈദ് സംഗമം സംഘടിപ്പിച്ചു. കുറ്റിച്ചിറ സിയെസ്‌കൊ ഹാളില്‍ നടന്ന സംഗമം കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ഉദ്ഘാടനം ചെയ്തു. പ്രസിഡന്റ് ഡോ. ഒ.പി മുഹമ്മദലി അധ്യക്ഷത വഹിച്ചു. സത്താര്‍ പന്തല്ലൂര്‍ ഈദ് സന്ദേശം നല്‍കി. സിയെസ്‌കൊ ന്യൂസ് പത്രികയുടെ പ്രകാശനം സിയെസ്‌കൊ യത്തീംഖാന പ്രസിഡന്റ് സി.പി കുഞ്ഞിമുഹമ്മദ് നിര്‍വഹിച്ചു. കേരള പത്രപ്രവര്‍ത്തക യൂനിയന്‍ പ്രസിഡന്റ് കമാല്‍ വരദൂര്‍ ആശംസകളര്‍പ്പിച്ചു. പി.എന്‍ വലീദ് സ്വാഗതവും സെക്രട്ടറി എസ്.എം മുഹമ്മദ് സാലിഹ് നന്ദിയും പറഞ്ഞു.