കായംകുളം:  റെയില്‍വേ ഗേറ്റ് അടക്കുന്നതു കണ്ട് ഗേറ്റ് മറികടക്കാന്‍ വേഗതയില്‍ വന്ന കാര്‍ ഇടിച്ച് സ്‌കൂട്ടര്‍ യാത്രക്കാരിക്കു പരിക്ക്.
മുക്കട പോസ്റ്റോഫീസിലെ പോസ്റ്റ് വുമണ്‍ കൃഷ്ണപുരം കാപ്പില്‍ മേക്ക് കാക്കാരേത്ത് തറയില്‍ ലാലി രാജന്‍ (52) നാണ് പരുക്കേറ്റത്.ഇന്നലെ രാവിലെ 8.30 ന് മുക്കട മാമ്പ്രക്കന്നേല്‍ ലവല്‍ ക്രോസിനു സമീപം വച്ചായിരുന്നു അപകടം. ട്രെയിന്‍ കടന്നു പോകാന്‍ ഗേറ്റ്മാന്‍ ലവല്‍ ക്രോസ് അടക്കാന്‍ തുടങ്ങി.
ഈ സമയം കിഴക്കഭാഗത്തു നിന്നു വന്ന കാറുകാരന്‍ ഇതു കണ്ട് ഗേറ്റ് മറികടക്കാന്‍ വേഗത കൂട്ടി വരവെ കാര്‍ ലാലി രാജന്‍ സഞ്ചരിച്ച സ്‌കൂട്ടറിലിടിക്കുകയായിരുന്നു.ഇടിയുടെ ആഘാതത്തില്‍ റോഡിലേക്കു തെറിച്ചുവീണ ലാലിയുടെ മുഖത്തും കൈയ്ക്കും  പരുക്കേറ്റു. താലൂക്കാശുപത്രിയില്‍ പ്രവേശിപ്പിച്ചു.