ആലപ്പുഴ: ഞായറാഴ്ച രാത്രി ഒന്‍പതുമണിയോടടുത്ത് ആര്യാട് പഞ്ചായത്ത് ഏഴാം വാര്‍ഡില്‍ കുറ്റിപ്പുറത്ത് പാര്‍ഥന്റെ വീടിനു നേരെയാണ് പൊലിസുകാരനും സഹോദരനും ചേര്‍ന്ന് അക്രമം നടത്തിയത്.
വീടിന്റെ ജനാലച്ചില്ലുകള്‍ ഇവര്‍ അടിച്ചുതകര്‍ത്തു.ആര്യാട് പഞ്ചായത്ത് ആറാം വാര്‍ഡില്‍ കുളക്കാട്ട്‌വെളി വീട്ടില്‍ ഗോപിനാഥിന്റെ മകന്‍ ഷൈജു, സഹോദരന്‍ സനല്‍ എന്നിവരാണ് രാത്രി പാര്‍ഥന്റെ വീട്ടിലെത്തി അക്രമം നടത്തിയത്.
അക്രമത്തെ ചെറുത്ത പാര്‍ഥന്റെ ഭാര്യ ബീനയ്ക്കും പരിക്കേറ്റു. ഇവരെ ആലപ്പുഴ ജനറല്‍ ആശുപത്രിയില്‍ പ്രവേശിപ്പിച്ചു. അക്രമത്തില്‍ പങ്കുചേര്‍ന്ന പൊലിസുകാരന്‍ സനല്‍ കെ.എ.പി ഒന്നാം ബറ്റാലിയനിലെ സിവില്‍ പൊലിസ് ഓഫീസറാണ്. ആലപ്പുഴ നോര്‍ത്ത് പൊലിസ് രണ്ടുകൂട്ടരുടെയും പേരില്‍ കേസെടുത്തു. പൊലിസുകാരനെതിരെ വകുപ്പ്തല നടപടിയും ഉണ്ടായേക്കും.