കൊച്ചി: സ്വര്‍ണ്ണക്കടത്ത് കേസിന്റെ ദുരൂഹതകള്‍ ഓരോന്നായി പുറത്തെടുക്കാന്‍ അന്വേഷണ ഏജന്‍സികള്‍. അന്വേഷണത്തിലെ സംശയങ്ങള്‍ ബലപ്പെടുകതന്നെയാണ്. ഇവ ഒന്നുകൂടി വ്യക്തമാക്കുന്നതിനായി സ്വപ്ന സുരേഷിനെയും എം.ശിവശങ്കറിനെയും ഒരുമിച്ച് ചോദ്യം ചെയ്യാനാണ് എന്‍ഫോഴ്‌സ്‌മെന്റ് ഒരുങ്ങുന്നത്. ഇതിനുവേണ്ടി സ്വപ്ന സുരേഷിനെ കസ്റ്റഡിയില്‍ വിട്ടുകിട്ടാനായി ഇ.ഡി കോടതിയെ സമീപിച്ചിട്ടുണ്ട്. അപേക്ഷ കോടതി തിങ്കളാഴ്ച പരിഗണിക്കും.

സ്വപ്നയുടെ ലോക്കറില്‍ സൂക്ഷിച്ച കള്ളപ്പണത്തെക്കുറിച്ച് ചോദ്യം ചെയ്യാനാണിത്. മൂന്ന് ദിവസം സ്വപ്നയെ കസ്റ്റഡിയിലാവശ്യപ്പെട്ടാണ് കോടതിയെ സമീപിച്ചിരിക്കുന്നത്. സരിതിനെയും സന്ദീപിനെയും കസ്റ്റഡിയില്‍ വേണമെന്ന് ഇ.ഡി ആവശ്യപ്പെട്ടിട്ടുണ്ട്.