റിയാദ്: മദീനയിലെ വിശുദ്ധ ഖുര്‍ആന്‍ അച്ചടി കേന്ദ്രത്തിലെ കയ്യെഴുത്തു വിദഗ്ധന്‍ ശൈഖ് ഉസ്മാന്‍ ത്വാഹയുടെ കരാര്‍ പുതുക്കി നല്‍കി. കരാര്‍ കാലാവധി അവസാനിച്ചത് മനസ്സിലായ ഇസ്ലാമികകാര്യ മന്ത്രിയും കിംഗ് ഫഹദ് മുസ്ഹഫ് പ്രിന്റിംഗ് കോംപ്ലക്സ് സൂപ്പര്‍വൈസര്‍ ജനറലുമായ ശൈഖ് ഡോ. അബ്ദുല്ലത്തീഫ് ആലുശൈഖ് ആണ് കരാര്‍ പുതുക്കി നല്‍കാന്‍ നിര്‍ദേശിച്ചത്. സിറിയയിലെ ഔഖാഫ് മന്ത്രാലയത്തിനു വേണ്ടി ആദ്യമായി മുസ്ഹഫ് കൈയെഴുത്ത് പ്രതി തയാറാക്കിയ ഇദ്ദേഹം പിന്നീടാണ് മദീനയില്‍ എത്തിയത്. ഇദ്ദേഹത്തിന്റെ കൈയെഴുത്തില്‍ പൂര്‍ത്തിയാക്കിയ വിശുദ്ധ ഖുര്‍ആന്റെ ഇരുപതു കോടിയിലേറെ കോപ്പികള്‍ ഇതിനകം അച്ചടിച്ച് വിതരണം ചെയ്തിട്ടുണ്ട്.