HOME
DETAILS

സ്ത്രീ സുരക്ഷ ഒരുക്കാന്‍ കഴിയാത്ത വനിതാ മന്ത്രിമാര്‍ രാജിവയ്ക്കണം: ഷാനിമോള്‍ ഉസ്മാന്‍

  
backup
September 15 2018 | 19:09 PM

%e0%b4%b8%e0%b5%8d%e0%b4%a4%e0%b5%8d%e0%b4%b0%e0%b5%80-%e0%b4%b8%e0%b5%81%e0%b4%b0%e0%b4%95%e0%b5%8d%e0%b4%b7-%e0%b4%92%e0%b4%b0%e0%b5%81%e0%b4%95%e0%b5%8d%e0%b4%95%e0%b4%be%e0%b4%a8%e0%b5%8d%e2%80%8d

 

കണ്ണൂര്‍: പീഡിപ്പിക്കപ്പെട്ട യുവതിക്ക് അനുകൂലമായി ഒരുവാക്കിന്റെ പിന്തുണപോലും നല്‍കാത്തത് സി.പി.എമ്മിന്റെ ജീര്‍ണിച്ച രാഷ്ട്രീയ മുഖമാണ് വ്യക്തമാക്കുന്നതെന്ന് കെ.പി.സി.സി രാഷ്ട്രീയകാര്യസമിതിയംഗം ഷാനിമോള്‍ ഉസ്മാന്‍.
സംസ്ഥാനത്ത് സ്ത്രീ സുരക്ഷയൊരുക്കാന്‍ കഴിയാത്ത മന്ത്രി ശൈലജയും മേഴ്‌സിക്കുട്ടിയും രാജിവയ്ക്കണമെന്നും അവര്‍ ആവശ്യപ്പെട്ടു. കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ കണ്ണൂര്‍ ജില്ലാ വനിതാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു ഷാനിമോള്‍. പി.കെ ശശി എം.എല്‍.എക്കെതിരായി പാര്‍ട്ടിയിലെ തന്നെ വനിതാ നേതാവ് പീഡിപ്പിച്ചുവെന്ന് പരാതി നല്‍കിയിട്ടും പ്രശ്‌നത്തില്‍ ഇടപെടാനോ ഫോണ്‍ എടുക്കാനോ ഈ വനിതാ മന്ത്രിമാര്‍ തയാറായിട്ടില്ല. ഇന്ത്യയില്‍ ആദ്യമായി നീതിക്ക് വേണ്ടി പൊതു നിരത്തില്‍ തിരുവസ്ത്രമിട്ട് ഇറങ്ങേണ്ടിവന്ന കന്യാസ്ത്രീകളുടെ സ്ത്രീസുരക്ഷ എവിടെയെന്ന് സര്‍ക്കാര്‍ വ്യക്തമാക്കണം.
കന്യാസ്ത്രീകള്‍ നടത്തുന്ന സമരത്തിന് കോണ്‍ഗ്രസും സി.പി.എമ്മും ശക്തമായ പിന്തുണ നല്‍കണമെന്നും അവര്‍ ആവശ്യപ്പെട്ടു. ദിവസങ്ങളായി തെരുവില്‍ സമരം നടത്തുന്ന ഇവരെ കണ്ടില്ലെന്ന് നടിക്കുന്നത് സര്‍ക്കാരിന്റെ സ്ത്രീവിരുദ്ധതയെയാണ് സൂചിപ്പിക്കുന്നതെന്നും അവര്‍ പറഞ്ഞു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."