മലപ്പുറം: പത്രവിതരണത്തിനിടെ വാഹനമിടിച്ച് മരിച്ച വട്ടപറമ്പ് ചാലക്കല്‍ പറമ്പ് ശ്രീരാഗിന്റെ കുടുംബത്തിന് ജില്ല ന്യൂസ് പേപ്പര്‍ എജന്റ്‌സ് അസോസിയേഷന്‍ നല്‍കുന്ന ധനസഹായത്തിന്റെ ബേങ്ക് രേഖകള്‍ കൈമാറി. ചട്ടിപറമ്പ് കോല്‍ക്കളം സര്‍വീസ് ബാങ്ക് പരിസരത്ത് ജില്ലാ ന്യൂസ് പേപ്പര്‍ എജന്റ്‌സ് അസോസിയേഷന്‍ പ്രസിഡന്റ് സലീം രണ്ടത്താണിയാണ് ധന സഹായ രേഖകള്‍ കൈമാറിയത്.
പൊന്മള ഗ്രാമ പഞ്ചായത്ത് വൈസ് പ്രസിഡന്റ് ഖദീജ സലീം, ജില്ല ജനറല്‍ സെക്രട്ടറി സി.പി അബ്ദുല്‍ വഹാബ്, ജില്ലാ നേതാക്കളായ ജലീല്‍ രാമപുരം, ബാവ മലപ്പുറം, ഖാലിദ് തിരൂരങ്ങാടി, അസീസ് മലപ്പുറം, അസീസ് വിളംബരം, സക്കരിയ്യ തിരൂര്‍, ശിഹാബ് ചെമ്പന്‍, ഹാരിസ് മലപ്പുറം, ചട്ടിപറമ്പ് കോല്‍കളം സര്‍വിസ് സഹകരണ ബാങ്ക് സെക്രട്ടറി എം.പി ശശിധരന്‍ സംബന്ധിച്ചു.