കാഞ്ഞങ്ങാട്: പ്ലസ്ടു പരീക്ഷാഫലം വന്നപ്പോള്‍  ഉജ്ജ്വല വിജയവുമായി ഒരിക്കല്‍ കൂടി ഹൊസ്ദുര്‍ഗ് ഗവ.ഹയര്‍സെക്കന്ററി സ്‌കൂള്‍ ജില്ലയ്ക്ക് അഭിമാനമായി.
 പരീക്ഷയെഴുതിയ 176 വിദ്യാര്‍ഥികളില്‍ 174 പേര്‍ വിജയിച്ചു. സ്‌കൂളിലെ സയന്‍സ് വിഭാഗം തുടര്‍ച്ചയായ ആറാം വര്‍ഷവും കൊമേഴ്‌സ് വിഭാഗം മൂന്നാംവര്‍ഷവും നൂറുശതമാനം വിജയം നേടി. ആകെ വിജയം 99 ശതമാനമാണ്.
ഹ്യുമാനിറ്റീസിലെ രണ്ടു വിദ്യാര്‍ത്ഥികളുടെ തോല്‍വിയാണ് സ്‌കൂളിന് നൂറു ശതമാനം വിജയം നേടാന്‍ കഴിയാതെ വന്നത്.സയന്‍സ് വിഭാഗത്തില്‍  പി.കെ.ദേവദത്തന്‍, സൗരവ് സുരേന്ദ്രന്‍ മുഴുവന്‍ മാര്‍ക്കും നേടി ജില്ലയുടെ അഭിമാനമായി.
 സ്‌കൂളിലെ  32 വിദ്യാര്‍ഥികള്‍  മുഴുവന്‍ വിഷയങ്ങള്‍ക്കും എ.പ്ലസ് നേടി. കെ.ഹഫീഫ, എ.എന്‍ അഫ്രീന്‍, പി.പി അനഘ, ജി അനുനന്ദ്, എ അര്‍ജുന്‍ദാസ്, കെ അര്‍ജുന്‍, എം അരുണ്‍, പി.എസ് ആര്യ, ആയിഷ മുഹമ്മദ്, ചൈതന്യ ബാലകൃഷ്ണന്‍, എം ചഞ്ചല്‍, പി.വി ചന്ദന, പി.കെ ദേവദത്തന്‍, കെ.വൈ ധനലക്ഷ്മി, എസ് ദ്യുതി, ദിവ്യ തമ്പാന്‍നായര്‍, ഫാത്തിമത്ത് നസ്വാന, ഫാത്തിമത്ത് സഹല, പി.കെ ഗായത്രി, കനീഷ്മ, കെ കിരണ്‍ദാസ്, എം ശരത്ത്, യു.പി രഹന, രോഹന്‍ രവി, കെ സനല, ഷഹാന യാസ്മിന്‍, സൗരവ് സുരേന്ദ്രന്‍, ശ്രീലക്ഷ്മി ദിവാകരന്‍, ശ്രീലക്ഷ്മി തമ്പാന്‍, എസ് ശ്രീരാഗ്, ശ്രുതി എസ് കാമത്ത്, സ്റ്റീവ് ബെന്നി എന്നിവരാണ് മുഴുവന്‍ വിഷയങ്ങളിലും എ.പ്ലസ് നേടിയത്.