തേഞ്ഞിപ്പലം: 'നേരറിവ് നല്ല നാളേക്ക്' എന്ന പ്രമേയത്തില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ മദ്‌റസാ പഠന പ്രവേശനാരംഭത്തിന്റെ ഭാഗമായി നടത്തുന്ന 'മിഹ്‌റജാനുല്‍ ബിദായ' ആഘോഷത്തിന്റെ സംസ്ഥാനതല ഉദ്ഘാടനം 13ന് പെരിന്തല്‍മണ്ണ പുത്തനങ്ങാടി മൂച്ചിക്കല്‍ ഹിദായത്തുസ്സ്വിബ്‌യാന്‍ മദ്‌റസയില്‍ നടക്കും.
വൈകിട്ട് നാലിന് നടക്കുന്ന ചടങ്ങില്‍ സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം നിര്‍വഹിക്കും. സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍ അധ്യക്ഷനാകും. സമസ്ത വിദ്യാഭ്യാസ ബോര്‍ഡ് സെക്രട്ടറി എം.ടി അബ്ദുല്ല മുസ്‌ലിയാര്‍ മുഖ്യപ്രഭാഷണം നടത്തും. ഡോ. ബഹാഉദ്ദീന്‍ മുഹമ്മദ് നദ്‌വി പ്രമേയപ്രഭാഷണം നടത്തും.
കെ.കെ ഇബ്‌റാഹിം മുസ്‌ലിയാരുടെ അധ്യക്ഷതയില്‍ ചേര്‍ന്ന എസ്.കെ.ജെ.എം.സി.സി നിര്‍വാഹക സമിതി യോഗമാണ് പരിപാടിക്ക് അന്തിമരൂപം നല്‍കിയത്. എം.എം മുഹ്‌യിദ്ദീന്‍ മുസ്‌ലിയാര്‍ പ്രാര്‍ഥന നടത്തി. മൊയ്തീന്‍കുട്ടി ഫൈസി വാക്കോട്, അബ്ദുല്ല മാസ്റ്റര്‍ കൊട്ടപ്പുറം, ഡോ.എന്‍.എ.എം അബ്ദുല്‍ ഖാദിര്‍, കെ. മോയിന്‍കുട്ടി മാസ്റ്റര്‍, എം.എം ഇമ്പിച്ചിക്കോയ മുസ്‌ലിയാര്‍, എം. അബ്ദുറഹ്മാന്‍ മുസ്‌ലിയാര്‍ കൊടക്, ബി.എസ്.കെ തങ്ങള്‍, കെ.ടി ഹുസൈന്‍കുട്ടി മൗലവി, മൊയ്തീന്‍ മുസ്‌ലിയാര്‍ പുറങ്ങ്, അബ്ദുല്‍ ഖാദിര്‍ അല്‍ ഖാസിമി, വി.എം ഇല്യാസ് ഫൈസി തൃശൂര്‍, മുഹമ്മദലി മുസ്‌ലിയാര്‍ കോട്ടയം, പി.ഇ മുഹമ്മദ് ഫൈസി ഇടുക്കി, സി. മുഹമ്മദലി ഫൈസി പാലക്കാട്, എ.ആര്‍ ശറഫുദ്ദീന്‍ അല്‍ ജാമിഈ തിരുവനന്തപുരം, പി. ഹസൈനാര്‍ ഫൈസി കോഴിക്കോട്, ശരീഫ് ദാരിമി നീലഗിരി, അബ്ദുസ്സമദ് മൗലവി മുട്ടം, ടി.പി അലി ഫൈസി കാസര്‍കോട്, എസ്.എം ഹംസ മുസ്‌ലിയാര്‍ ചിക്മംഗ്ലൂരു, കെ.എല്‍ ഉമര്‍ ദാരിമി മംഗലാപുരം, എം. ഷാജഹാന്‍ അമാനി കൊല്ലം, മുഹമ്മദ് ഹംസ സമദാനി കന്യാകുമാരി സംസാരിച്ചു.