റാഞ്ചി: മിന്നല്‍വേഗതയില്‍ വന്ന ബസ് ലോറിയുമായി കൂട്ടിയിടിച്ച് 11 പേര്‍ മരിച്ചു. 25 പേര്‍ക്ക് ഗുരുതരമായി പരുക്കേറ്റു. ജാര്‍ഖണ്ഡിലെ ഹസാരി ബാഗിനടുത്ത് ദേശീയ പാത-2ല്‍ ആയിരുന്നു അപകടം.
നിയന്ത്രണം വിട്ട ഡബിള്‍ ഡക്കര്‍ ബസാണ് ലോറിയില്‍ ഇടിച്ചത്. 120 കി.മീറ്റര്‍ വേഗതയിലാണ് ബസ് ഓടിയിരുന്നതെന്നാണ് പറയപ്പെടുന്നത്. ബസിന്റെ ബ്രേക്ക് ശരിയായ രീതിയില്‍ പ്രവര്‍ത്തിച്ചിരുന്നില്ലെന്നും രക്ഷപ്പെട്ട യാത്രക്കാരില്‍ ചിലര്‍ പറഞ്ഞു. ബസ് നിയന്ത്രിക്കാന്‍ ഡ്രൈവര്‍ കിണഞ്ഞ് ശ്രമിച്ചിരുന്നെങ്കിലും ഇതിന് സാധിക്കാതെ എതിരെ വന്ന ലോറിയില്‍ ഇടിക്കുകയായിരുന്നു. അപകടത്തെ തുടര്‍ന്ന് യാത്രക്കാരെ ബസ് വെട്ടിപ്പോളിച്ചാണ് പുറത്തെടുത്തതെന്ന് പൊലിസ് അറിയിച്ചു. റാഞ്ചിയില്‍ നിന്ന് ബിഹാറിലെ പട്‌നയിലേക്ക് പോകുകയായിരുന്നു ബസ്.