അറക്കുളം : സര്‍വ്വശിക്ഷ അഭിയാന്‍ ഇടുക്കിയുടെ നേതൃത്വത്തില്‍ പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി സംഘടിപ്പിച്ചിട്ടുളള സര്‍ക്കാര്‍ പദ്ധതിയായ പ്രതിഭോത്സവത്തിന്റെ ജില്ലാതല ഉദ്ഘാടനം അറക്കുളം സെന്റ്.തോമസ് യു.പി സ്‌ക്കൂളില്‍ നടന്നു. ജില്ലാ പഞ്ചായത്ത് മെമ്പര്‍ സി.വി സുനിതയുടെ അദ്ധ്യക്ഷതയില്‍ നടന്ന സമ്മേളനം അറക്കുളം ഗ്രാമപഞ്ചായത്ത് പ്രസിഡന്റ് ടോമി ജോസഫ് കുന്നേല്‍ ഉദ്ഘാടനം ചെയ്തു. അഡീഷണല്‍ സ്റ്റേറ്റ് പ്രോജക്റ്റ് ഡയറക്ടര്‍ അനിലാ ജോര്‍ജ്ജ് മുഖ്യപ്രഭാഷണം നടത്തി. സ്‌കൂള്‍ മാനേജര്‍ ഫാ ഇമ്മാനുവേല്‍ വരിക്കമാക്കല്‍ , വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ശ്രീകല ഗോപി, ജില്ലാ പ്രോഗ്രാം ഓഫീസര്‍മാരായ ജോസി ജോസ്, ധന്യാ പി.വാസു, അറക്കുളം ഉപജില്ലാ വിദ്യാഭ്യാസ ഓഫിസര്‍ കെ.വി രാജു, ബ്ലോക്ക് പ്രോഗ്രാം ഓഫീസര്‍ മുരുകന്‍ വി.അയത്തില്‍, സ്‌കൂള്‍ ഹെഡ്മിസ്ട്രസ് സെലിന്‍ ജോസഫ് തുടങ്ങിയവര്‍ പ്രസംഗിച്ചു. അഞ്ച് ദിവസം നീണ്ടു നില്‍ക്കുന്ന ക്യാമ്പില്‍ നൂറോളം കുട്ടികള്‍ പങ്കെടുക്കുന്നുണ്ട്. പൊതുവിദ്യാലയങ്ങളില്‍ പഠിക്കുന്ന ഒരോ കുട്ടിയുടെയും കഴിവുകള്‍ കണ്ടെത്തുകയും അത് വളര്‍ത്തിയെടുക്കുകയും ചെയ്യുക എന്ന ലക്ഷ്യത്തോടെയാണ ് ഈ പരിപാടി സംഘടിപ്പിച്ചിട്ടുളളത്. ശനിയാഴ്ച നടക്കുന്ന സമാപന സമ്മേളനം ഇടുക്കി എം.പി അഡ്വ. ജോയ്‌സ് ജോര്‍ജ്ജ് ഉദ്ഘാടനം ചെയ്യും ഇടുക്കി എം.എല്‍ എ റോഷി അഗസ്റ്റിന്‍ അധ്യക്ഷനാവും.