കൊച്ചി: കോടിയേരി ബാലകൃഷ്ണന്റെ പയ്യന്നൂരിലെ വിവാദ പ്രസംഗത്തെക്കുറിച്ച് മുഖ്യമന്ത്രിയുടെ മൗനം ദുരൂഹമെന്ന് പ്രതിപക്ഷ നേതാവ് രമേശ് ചെന്നിത്തല. ഈ വിഷയത്തില്‍ മുഖ്യമന്ത്രി നിലപാട് വ്യക്തമാക്കണം. ക്രമസമാധാനം നടപ്പാക്കാനുള്ള ഉത്തരവാദിത്വം മുഖ്യമന്ത്രിക്കുണ്ടെന്നും അദ്ദേഹം പറഞ്ഞു.

അഭിപ്രായ ഭിന്നതകള്‍ പരിഹരിച്ച് യു.ഡി.എഫ് ഒറ്റക്കെട്ടായി തന്നെ മുന്നോട്ട് പോകും. മാണി ഇന്നലെ യോഗത്തില്‍ പങ്കെടുക്കാതിരുന്നത് ചില അസൗകര്യങ്ങള്‍ മൂലമാണ്. മാണി യു.ഡി.എഫിന്റെ അഭിവാജ്യ ഘടകമാണെന്നും യു.ഡി.എഫിന്റെ അടുത്ത യോഗത്തില്‍ അദ്ദേഹം പങ്കെടുക്കുമെന്നും ചെന്നിത്തല പറഞ്ഞു.